Mońǵolııa jáne Qytaı elinen kelip bilim alyp jatqan 150-den astam stýdent jastar qatysty.
О́skemendegi S.Amanjolov atyndaǵy Shyǵys Qazaqstan memlekettik ýnıversıtetinde «Etnıkalyq qazaq stýdentterge quqyqtyq túsindirme jumysynyń mańyzdylyǵy» taqyrybynda kezdesý ótti.
Dúnıe júzi qazaqtary qaýymdastyǵy Shyǵys Qazaqstan oblystyq fılıaly jáne «Otandastar» qorynyń front-ofısi uıymdastyrǵan sharaǵa joǵaryda atalǵan oqý ornynda Mońǵolııa jáne Qytaı elinen kelip bilim alyp jatqan 150-den astam stýdent jastar qatysty.
Sonymen qatar jıynǵa oblystyq Ishki saıasat basqarmasynyń Jastarmen jumys bóliminiń basshysy Erkebulan Baltabekov, Kóshi-qon polısııasynyń aǵa ınspektory Rýslan Hasenov, oblystyq Áleýmettik baǵdarlamalardy úılestirý basqarmasynyń kóshi-qon bóliminiń bas mamany Dana Qabdýllına, osy ýnıversıtettiń oqytýshylary Aıymgúl Seıpýtanova, Beıbitgúl Shúrshitbaı qatysyp, oı-pikirlerin ortaǵa saldy.
Kezdesýdi Dúnıe júzi qazaqtary qaýymdastyǵy oblystyq fılıalynyń orynbasary, «Otandastar» qorynyń front-ofısiniń bas sarapshysy Hýanbaı Áskerhan ashyp, front-ofıstiń qyzmetine jan-jaqty toqtaldy.
Ol óz sózinde: «Front-ofıs qandastarǵa aqparattyq-quqyqtyq kómek berip, kóshi-qon salasyndaǵy zańnamalardy jáne kóshi-qonǵa qatysty memlekettik baǵdarlamalardv túsindirip, qandastardy ekonomıkalyq turǵydan qoldaýǵa nazar aýdarady. О́zge memleketterdegi qazaq jastarynyń tarıhı otanynda bilim alyp jatýynyń ózi úlken abyroı. Bul Qazaqstannyń shettegi qazaqtarǵa degen qamqorlyǵynyń naqty kórinisi» dedi.
Jıynda ár salanyń mamandary óz salasy boıynsha aqparattyq túsindirme júrgizdi. Jastar tarapynan kóptegen saýaldar qoıyldy. Mamandar jastardyń suraqtaryna naqty jaýap berip, keı máseleler boıynsha stýdentter jeke keńes aldy. Sonymen qatar birqatar mańyzdy saýaldar (oblys boıynsha kóship kelý jeńildiginiń ıgerlýine qatysty qandastardy qabyldaýǵa qosymsha qarjy suraý, stýdentter turaqty tirkeýge yqtııarhatqa oqý orny boıynsha tirkelý) DQQ «Otandastar» qoryna joldanatyn boldy.
О́SKEMEN