28 naýryzda Almatyda Asqar Salyqbaev jetekshilik etetin «MTK Global Qazaqstan» menedjerlik kompanııasynyń uıymdastyrýymen kásipqoı boks keshi ótedi.
Qazirdiń ózinde sol jarysta kúsh synasatyn qos jup belgili. Aıtýly kompanııanyń quramynda óner kórsetip júrgen О́zbekstannyń ataqty boksshysy, Olımpıada chempıony Fazlıddın Gaıbnazarov (8-1, 5 KO) jartylaı orta salmaqta ırlandııalyq Darrag Folımen (18-4-1, 9 KO) qolǵap túıistiredi.
Al sonyń aldynda ǵana Janqosh Turarovtyń kimmen judyryqtasatyny belgili bolǵan. О́ziniń karerasyndaǵy 24 kezdesýdiń barlyǵyn jeńispen aıaqtap, 17 qarsylasyn esinen tandyrǵan qazaq jigiti Panamanyń ókili Aleksander Dıýranmen sheberlik baıqasady.
Birden aıta keteıik, Dıýran da osal boksshy emes. Ol da 20 básekeniń barlyǵynda basymdyq tanytyp, jeti kezdesýdi merziminen buryn aıaqtady. Sonymen qatar, panamalyq bylǵary qoǵap sheberi qazirgi kezdegi IBF nusqasynyń altyn belbeý ıegeri jáne IBA nusqasy boıynsha álemniń eks-chempıony.
Janqosh Turarov pen Aleksander Dıýran arasyndaǵy jekpe-jekte jartylaı orta salmaqtaǵy WBO Inter-Continental nusqasynyń chempıondyq táji sarapqa salynady.