Qazaqstandyq tennısshiler Qytaıdyń Nanjın qalasynda jasóspirimder arasynda ótip jatqan II Jazǵy Azııa oıyndaryn jaqsy bastady. Bul týraly EgemenNews tilshisi sheteldik BAQ-tar deregine súıenip habarlady.
Azıadanyń alǵashqy kúni «Team Kazakhstan» komandasynyń ókilderi Dmıtrıı Popko sırııalyq Karem Alalafty 6:1,6:2 esebimen utsa, Roman Hasanov katarlyq Abdýlla Almahmoýdtan 6:4, 6:0 esebimen basym tústi.
Búgin «Team Kazakhstan» komandasynyń taǵy bir músheleri Ásııa Daıyr men Anastasııa Epısheva shırek fınaldyń joldamasyn sarapqa salady. Juptyq jarysta Ásııa men Dmıtrıı Popkomen qytaılyq Vong Chong men Iýn Heı Lıge qarsy oınaıdy. Jasóspirimder arasyndaǵy Azııa oıyndary alǵash ret 2009 jyly Sıngapýrde ótken bolatyn. Sodan beri ol Azııa olımpııalyq keńesiniń týy astynda tórt jylda bir ret ótip keledi.
Bıylǵy Azıadanyń baǵdarlamasynda tennısten basqa spottyń 16 túri qamtylǵan. Oǵan 45 eldiń ókilderi qatysýda.
Dastan Kenjalın.