Atyraý oblysynyń ákimi Baqtyqoja Izmuhambetov birer kúnniń ishinde Youtube mýzykalyq saıtynyń juldyzyna aınalyp shyǵa keldi. Bul týraly KTK telearnasy habarlady.
Arna tilshisiniń baıandaýynsha, jergilikti jastarmen kezdesken oblys ákimi jany jas, júregi halyqqa jaqyn ekenin kórsetkisi kelip, qolyna gıtara alyp, keshegi keńes kezeńindegi ánderden shyrqap berýge talaptanyp kórgen. «Ras, onyń qandaı ándi aıtqysy kelgenin eshkim túsingen joq», dedi osyǵan oraı Elena Storchak.
Munyń esesine, ákimniń osy prosesten keremet jaqsy áser alǵany anyq kórsetilgen beınesıýjet sol zamatynda ınternetke túsipti. Bul vıdeonyń jurtty qyzyqtyrǵany sonsha, kóp uzamaı ol bir jarym myńdyq daýys jınaǵan. Dáliregi, osynshama adam ony kórip úlgergen.
Aıtqandaı, gıtarany B.Izmuhambetovke balalar sol jerde syıǵa tartqan eken. Balalar joǵary laýazymdy kisige ózderine nazar aýdarǵanyna osylaı alǵys sezimin bildirmek bolypty. Oblys ákimi aımaqtyń aýla fýtbol komandalary jarysynyń júldegerlerine syılyqtaryn óz qolymen tapsyrmaq bolyp kelipti.
Sultan Bozaıǵyr.