3 naýryz kúni kúndizgi saǵat 11 shamasynda «102» pýltine Mańǵystaý aýdanyna qarasty Úshtaǵan aýylynan shamamen 3 shaqyrym jerdegi qumnan belgisiz adamnyń qańqasy tabylǵany týraly qońyraý kelip túsken. Bul týraly Mańǵystaý oblystyq Polısııa departamenti baspasóz qyzmeti habarlady.
Oqıǵa ornyna kelgen polıseıler máıittiń denesi jartylaı qum astynda qalǵanyn anyqtaǵan. Marqumnyń tek bas súıeginiń jartysy, oń aıaǵy pen qos qoly kórinip jatqan. Al deneniń qasynan qaltasynda 1 myńdyqtardan quralǵan 5 myń teńgesi bar «HANDSOME» fırmasy belgisi bar kók kúrte, «О́zenMunaıGaz» jazýy bar 39-ólshemdi qara tústi etik jáne qoıý kók tústi toqylǵan bas kıim tabylǵan.
Mańǵystaý oblystyq polısııa departamentiniń baspasóz qyzmetinde atalǵan fakti Mańǵystaý aýdandyq polısııa bóliminde Qylmystyq kodekstiń «Tulǵa ólimi» baby boıynsha SDTBT-ǵa tirkelgenin málimdedi.
- Atalǵan derek QR QK –niń 001 baby boıynsha Mańǵystaý aýdany Polısııa bólimi sotqa deıingi tergeýdiń biryńǵaı tizilimine tirkeldi. Qazirgi tańda belgisiz tulǵanyń qaıtys bolýyna baılanysty jeke basy men máseleniń mán-jaıyn anyqtaý maqsatynda jedel sharalar júrgizilýde. Sotqa deıingi tergeý amaldary júrgizilýde. Sot-medısınalyq saraptama taǵaıyndaldy, delingen Mańǵystaý oblystyq Polısııa departamenti bergen baspasóz habarlamasynda.