Osy kúnderi Qytaıdyń Nankın qalasynda jasóspirimder arasynda ótip jatqan II jazǵy Azııa oıyndarynda Qazaqstan quramasy alǵashqy altyn júldeni ıelendi.
Osy kúnderi Qytaıdyń Nankın qalasynda jasóspirimder arasynda ótip jatqan II jazǵy Azııa oıyndarynda Qazaqstan quramasy alǵashqy altyn júldeni ıelendi.
Stend atýdan skıt baǵdarlamasy boıynsha sportshymyz Aleksandr Muhamadıev Azııa oıyndarynyń chempıony atandy. Osy synda bizdiń taǵy bir otandasymyz Davıd Poshıvalov qola júldege ıe boldy. Al ekinshi oryndy katarlyq Haled Ál-Mýnsarrı enshiledi. Munyń aldynda, ıaǵnı Azıadanyń alǵashqy kúni bizdiń qurama qola medal alǵan bolatyn. Bul júldeni dzıýdodan 55 kıloǵa deıingi salmaqta synǵa túsken Anatolıı Dýrachenko jeńip aldy. Ol sońǵy kezdesýinde taı sportshysyn utty.
Qazir bizdiń qorjynymyzda 1 altyn, 2 qola medal bar. Jalpy esepte ázirge besinshi orynda kelemiz.
Qazaqstandyq tennısshiler de II jazǵy Azııa oıyndaryn jaqsy bastady. Azıadanyń alǵashqy kúni «Team Kazakhstan» komandasynyń ókilderi Dmıtrıı Popko sırııalyq Karem Alalafty 6:1,6:2 esebimen utsa, Roman Hasanov katarlyq Abdýlla Almahmoýdtan 6:4, 6:0 esebimen basym tústi.
Keshe «Team Kazakhstan» komandasynyń músheleri Ásııa Daıyr men Anastasııa Epısheva shırek fınaldyń joldamasyn sarapqa saldy. Juptyq jarysta Ásııa men Dmıtrıı Popko qytaılyq Vong Chong pen Iýn Heı Lıge qarsy oınady. Taǵy bir aqparat, gandboldan Qazaqstan qyzdar quramasy alǵashqy oıynynda Taıland komandasyn 25:12 esebimen utty.
Jasóspirimder arasyndaǵy Azııa oıyndary alǵash ret 2009 jyly Sıngapýrde ótken bolatyn. Sodan beri ol Azııa olımpııalyq keńesiniń týy astynda tórt jylda bir ret ótip keledi.
Bıylǵy Azıadanyń baǵdarlamasynda tennısten basqa sporttyń 16 túri qamtylǵan. Oǵan 45 eldiń ókilderi qatysýda.
Dastan KENJALIN,
«Egemen Qazaqstan».
Sýrette: Aleksandr MUHAMADIEV.