Prezıdent Nursultan Nazarbaevtyń aýdandyq mańyzdaǵy qalalardyń, aýyldyq okrýgterdiń, aýyldyq okrýg quramyna kirmeıtin kentter men aýyldardyń ákimderin saılaý qorytyndysyna arnaǵan Úndeýinen týyndaıtyn mindetter aımaq basshysy Samat Eskendirovtiń qatysýymen ótken jıynda basty áńgime taqyrybyna aınaldy.
Prezıdent Nursultan Nazarbaevtyń aýdandyq mańyzdaǵy qalalardyń, aýyldyq okrýgterdiń, aýyldyq okrýg quramyna kirmeıtin kentter men aýyldardyń ákimderin saılaý qorytyndysyna arnaǵan Úndeýinen týyndaıtyn mindetter aımaq basshysy Samat Eskendirovtiń qatysýymen ótken jıynda basty áńgime taqyrybyna aınaldy.
Samat Saparbekuly halyq qalaýlylarynyń tańdaýymen balamaly túrde jańadan saılanǵan aýdandyq mańyzy bar qalalar men aýyldyq okrýgter ákimderimen kezdesýde 194 ákimge úlken senim artylǵanyn, olardyń 16,5 paıyzyn áıelder quraıtynyn aıta kelip, endigi maqsat Elbasy tapsyrmalaryn múltiksiz oryndaý, halyq ómirine tikeleı qatysty qoǵamdyq-saıası máselelerdi tabandy sheshý bolyp tabylatynyn atap kórsetti. Ol úshin jergilikti ákimderge qosymsha ókilettikter berilip, jeke jaýapkershikpen qosa materıaldyq-tehnıkalyq, kadrlyq resýrstar kúsheıtildi. Jergilikti aýyldyq ákimdik apparattary 198 birlikke nyǵaıtylyp, shtattardy ustaýǵa 70 mıllıon teńge bólindi.
Aýyl ákimderiniń basty baqylaýda ustaıtyn ózekti máseleleriniń biri – jol. Bıyl bul salaǵa 5 mıllıard teńge qarastyrylyp, oblystyq mańyzy bar joldardy kúrdeli jóndeý josparly túrde sheshimin taýyp keledi. Sapaly aýyz sýǵa zárý eldi mekender problemasyn sheshý maqsatymen 2,4 mıllıard teńge jumsaý qarastyrylǵan. Energııa qýattaryn únemmen paıdalaný baǵytynda da qyrýar ister kútip tur. Áleýmettik nysandar men kóp qabatty turǵyn úılerdiń aldaǵy qysqy maýsymǵa daıyndyǵy 83 paıyzdy qurasa da, jekelegen aýdandardyń ázirligi qanaǵattandyra bermeıdi.
Jıynda aýyl-selolardy kógaldandyrý, jasyl jelekke bóleý jaıy da qozǵaldy. Áli ýchaskelik ınspektorlardyń 62 shtat birligi jetispeıtinin eskersek, qoǵamdyq tártipti ornyqtyrý oǵaıǵa túspeıtini belgili. Bilim berý, áleýmettik qorǵaý,kásipkerlikti damytý, ásirese, «Bıznestiń jol kartasy-2020» baǵdarlamasyn júzege asyrý ózara úılesimdilikti qajet eteri sózsiz. Aýmaqtyq úılestirý keńesine joldanǵan 325 ótinishtiń 88-i ǵana aýyl kásipkerlerinen túsken. Sońǵy úsh jylda 44 mıllıard teńgege 3130 jańa tehnıkalar satyp alynǵan. Alaıda, 194 aýyldyq okrýgtiń 32-si ǵana negizgi tehnıkalarmen qamtamasyz etilýi oılandyrmaı qoımaıdy.
Basqosýda Parlament Senatynyń depýtaty Anatolıı Bashmakov sóz alyp, ákimderdi elimizdiń órkendeýine bar kúsh-jigerleri men qajyr-qaırattaryn jumsaýǵa shaqyrdy. Kezdesýden soń barlyq deńgeıdegi ákimder úshin arnaıy semınar uıymdastyryldy.
О́mir ESQALI,
«Egemen Qazaqstan».
Soltústik Qazaqstan oblysy.