Kóldeneń tabysqa qunyqqandardyń aıla-sharǵysy tereńdep bara jatqandyǵy sonshalyq, onymen otbasylyq toptar da aınala bastaǵany qoǵamdy alańdatyp otyr. Osyndaı jaǵymsyz oqıǵa Kókshetaýda da tirkelip, ekonomıkalyq jáne sybaılas jemqorlyq qylmysqa qarsy kúres departamenti tarapynan áshkerelendi.
Kóldeneń tabysqa qunyqqandardyń aıla-sharǵysy tereńdep bara jatqandyǵy sonshalyq, onymen otbasylyq toptar da aınala bastaǵany qoǵamdy alańdatyp otyr. Osyndaı jaǵymsyz oqıǵa Kókshetaýda da tirkelip, ekonomıkalyq jáne sybaılas jemqorlyq qylmysqa qarsy kúres departamenti tarapynan áshkerelendi.
Bir qyzyǵy, B.Qasymov jetekshilik etken uıymdasqan qylmystyq toptyń quramyndaǵy S.Qasymova jáne B.Amanov óz qudyǵyna túkirgisi kelmegendeı, Kókshetaýdy aınalyp ótip, respýblıkamyzdyń ózge óńirlerindegi bedeldi mekemelerge qarmaq tastap otyrypty. Eń ókinishtisi, sol abyroıly ujymdardyń barlyǵy qıturqylyq qurbany bolyp qalǵandaryn endi baıqap otyr. B.Qasymovtyń toby 2012 jyldyń mamyry men 2013 jyldyń aqpany aralyǵynda «Kazvodhoz» RMK Q.Sátbaev atyndaǵy kanaldyń, Semeıdegi «Konsýltatıvti-dıagnostıkalyq ortalyǵynyń», Pavlodardaǵy «Memlekettik vedomstvodan tys jobalar saraptamasy» kásipornynyń, Oraldaǵy «Informasııalyq tehnologııalar kolledjiniń», Qostanaıdaǵy «Sarykól ortalyq aýrýhanasynyń», Aqtóbedegi «Shalqar aýdandyq emhanasynyń» jáne bıznestiń maıyn shaǵyp otyrǵan Almaty qalasynyń úsh memlekettik mekemesiniń 11134700 teńgesin esh qınalmaı maıly qorjynǵa sala salǵan.
Aldyn ala tergeý, sot saraptamasy, kýáler men kúdiktilerdiń jaýaptary barysynda uıymdasqan qylmystyq toptyń jalǵan kásipkerlik arqyly memlekettik satyp alý tenderlerine qatysqandyǵy anyqtalyp, jasalǵan qylmys tolyq moıyndaryna ilindi.
Kókshetaý qalalyq sotynyń ústimizdegi jylǵy 16 tamyzdaǵy úkimimen B.Qasymov pen B.Amanovtyń árqaısysy 7 jyl 6 aıǵa, S.Qasymova 6 jylǵa bas bostandyǵynan aıyrylyp, jazalaryn jalpy rejimdegi kolonııada óteıtin boldy.
Baqbergen AMALBEK,
«Egemen Qazaqstan».
Aqmola oblysy.