Birikken Arab Ámirlikterinde óner kórsetip júrgen Baýyrjan Islamhan alǵashqy golyn soǵyp, óz komandasynyń Prezıdent kýbogynyń fınalyna shyǵýyna súbeli úles qosty.
Jartylaı fınalda «Ál-Aın» «Ál-Shardja» klýbymen sheberlik synasty. Kezdesýdiń 32 mınýtynda tarazy basy 1:1 esebimen teń turǵan edi. Sol kezde Baýyrjan 22-23 metrdeı qashyqtyqtan qaqpaǵa qaraı dopty shirene tepti. Qaqpashy qansha jantalasqanymen, qaýiptiń betin qaıtara almady. Odan keıin de Qazaqstan ulttyq quramasynyń kapıtany óte saýatty oınap, stadıonǵa jınalǵan barsha kórermendi qýantty. Nátıjesinde «Ál-Aın» 3:2 esebimen jeńiske jetip, fınalǵa joldama alsa, qandasymyz osy matchtyń eń úzdik oıynshysy dep tanyldy.