2012 jylǵy 25 jeltoqsan , Astana qalasy
Sport túrlerinen jarystardyń qaǵıdalary bekitý týraly
«Dene shynyqtyrý jáne sport týraly» Qazaqstan Respýblıkasy Zańynyń 23-babynyń 23-tarmaqshasyna sáıkes buıyramyn:1. Qosa berilip otyrǵan «Sport túrlerinen jarystardyń qaǵıdalary» osy buıryqqa qosymshaǵa sáıkes bekitilsin. 2. Myna buıryqtardyń kúshi joıyldy dep tanylsyn:1) «Qazaqstan Respýblıkasynda sporttyq is-sharalardy ótkizý men halyqaralyq sport jarystaryna qatysýdyń erejesi týraly» Qazaqstan Respýblıkasy Týrızm jáne sport jónindegi agenttiginiń 2004 jylǵy 21 shildedegi № 06-2-2/229 buıryǵy (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 6617 tirkelgen, 2010 jylǵy 29 qarashadaǵy № 3030 «Kazahstanskaıa pravda» gazetinde jarııalanǵan);2) «Sport túrlerinen jarystardyń erejesin bekitý týraly» Qazaqstan Respýblıkasy Týrızm jáne sport mınıstriniń m.a. 2010 jylǵy 18 qazandaǵy № 01-01-07/ 146 buıryǵy (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 6617 tirkelingen, 2010 jylǵy 30 qarashadaǵy № 325 (26386) «Kazahstanskaıa pravda» gazetinde jarııalanǵan). 3. Strategııalyq damý departamenti (D. Qamzebaeva):1) zańnamada belgilengen tártippen osy buıryqty Qazaqstan Respýblıkasy Ádilet mınıstrligine memlekettik tirkeýge usynýdy;2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda resmı jarııalaýdy, sondaı-aq Qazaqstan Respýblıkasy Sport jáne dene shynyqtyrý isteri agenttiginiń resmı ınternet-resýrsynda jarııalaýdy qamtamasyz etsin.4. Osy buıryqtyń oryndalýyn baqylaý Qazaqstan Respýblıkasy Sport jáne dene shynyqtyrý isteri agenttigi Tóraǵasynyń orynbasary E.B.Qanaǵatovqa júktelsin.5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.Tóraǵa T.Ermegııaev
Qazaqstan Respýblıkasy Sport jáne dene shynyqtyrý isteri agenttigi Tóraǵasynyń 2012 jylǵy 25 jeltoqsandaǵy № 446 buıryǵymen bekitildi
Sport túrlerinen jarystardyń qaǵıdalary
1. Jalpy erejeler1. Osy sport túrlerinen jarystardyń qaǵıdalary (budan ári - Qaǵıda) Qazaqstan Respýblıkasy Sport jáne dene shynyqtyrý Zańynyń 23-baby 23) tarmaqshasyna sáıkes ázirlendi jáne sport túrlerinen jarystardyń Qazaqstan Respýblıkasynyń aýmaǵynda ótkizý tártibin aıqyndaı otyryp, tómendegideı taraptardy qamtıdy:1) sporttyq uıymdardyń jarystardy ótkizýi;2) Qazaqstan Respýblıkasy Prezıdentiniń Kýbogi nemese júldesi úshin jarystardy ótkizý:3) belgili sportshylardyń, jattyqtyrýshylardyń, sport jáne qoǵam qaıratkerleriniń atyna nemese belgili sportshylardyń, jattyqtyrýshylardyń, sport jáne qoǵam qaıratkerleriniń júldesi úshin respýblıkalyq jarystar ótkizý;4) belgili sportshylardyń, jattyqtyrýshylardyń nemese sport qaıratkerleriniń esimderin oblystyq jarystarǵa berý jáne olardyń atynan júldeler belgileý;5) Jarystar men oqý-jattyǵý jıyndaryn ótkizýge arnalǵan shyǵystardy jabý;6) Qazaqstan Respýblıkasyndaǵy sport túrleriniń tizilimin qalyptastyrý;7) Qazaqstan Respýblıkasyndaǵy sport túrleriniń tizilimin júrgizý.2. Osy Qaǵıdada mynadaı uǵymdar qoldanylady: 1) sporttyq jarys – jarystyń úzdik qatysýshysyn anyqtaý maqsatynda ár túrli sport túrleri boıynsha sportshylardyń nemese komandalardyń arasyndaǵy saıys; 2) sporttyq pán – jarystar ótkiziletin qandaı da bir sport túriniń jeke jattyǵýy nemese jekelegen jattyǵýlar kesheni; 3) halyqaralyq sporttyq jarystar – keminde 5 (bes) memlekettiń ókilderiniń qatysýymen sportshylar (komandalar) arasynda sport túrinen ótetin jarystar; 4) halyqaralyq jarystar – sport túrleri boıynsha halyqaralyq federasııalardyń buqaralyq-sporttyq is-sharalar kúntizbesine engen jarystar;5) keshendi jarystar – sportshylar arasynda oryndardy bóletin jáne komandalar arasynda jalpy komandalyq esepti shyǵaratyn sportshylar (komandalar) arasyndaǵy birneshe sport túrinen jarystar; 6) respýblıkalyq jarystar – buqaralyq-sporttyq, saýyqtyrý is-sharalary men respýblıkalyq jáne halyqaralyq negizgi jarystardyń kúntizbesine engizilgen respýblıkalyq sport jarystary; 7) oblystyq, qalalyq, aýdandyq jarystar – dene shynyqtyrý jáne sport jónindegi tıisti jergilikti atqarýshy organdardyń buqaralyq-sporttyq, kúntizbesine engizilgen oblystyq, qalalyq jáne aýdandyq sporttyq jarystar; 8) Qazaqstan Respýblıkasynyń sport túr