Keshe saǵat 16.30-dar shamasynda Áýlıekól-Suraǵan baǵytyndaǵy tas joldyń boıynda VAZ-21124 avtokóliginiń 34 jastaǵy júrgizýshisi aldyndaǵy kólikti basyp ozbaq bolyp oń jaq jolaqqa shyǵa bergende qarsy kele jatqan Nissan Primera kóligimen týra soqtyǵysqan. Qarsy betke shyǵyp ketken kóliktiń ishindegi 59 jastaǵy jolaýshy oqıǵa ornynda kóz jumdy. Eki avtokólikte otyrǵan 7 jolaýshy ár túrli dárejedegi dene jaraqatyn alyp, aýrýhanaǵa jetkizildi.
- Qazir jol-kólik oqıǵasyna qatysty sotqa deıingi tergeý júrip jatyr. Polısııa kólik júrgizýshilerdi qolaısyz aýa raıy kezinde jolda saq bolýǵa shaqyrady. Ásirese, aldyńǵy kólikten ozý, jol shetinde toqtap turǵan kólikti aınalyp ótý kezinde abaı bolǵan jón, - dep málimdedi oblystyq Polısııa departamentiniń baspasóz qyzmeti.
Jyl bastalǵaly Qostanaı oblysynda jol apatynan 9 adam qaza taýyp, 79 jolaýshy jaraqat alǵan.
QOSTANAI