Eýropalyq naryqqa baǵyt alǵan kásiporyn

Zaýyttyń ónimderi – astyq pen kókónis daqyldaryna arnalǵan jerdi óńdeýge taptyrmas tehnıkalar. Odan bólek, kásiporyn ártúrli dıametrdegi sharly krandar, bolat troınıkter, magıs­traldy munaı-gaz qubyrlaryn, tazalaý men dıagnostıkalyq qu­ral­dar, qabyldaý kameralaryn jasap shyǵarady.

Kásiporyn búginde óndi­ris­tik bazany nyǵaıtýǵa, zamanaýı tehnologııalyq jańalyqtar engizýge jáne ónimdi ishki naryq talaptaryna saı beıimdeýge erekshe nazar aýdaryp keledi. 2023 jyldan bastap óndiris oshaǵy ónim kólemin kezeń-kezeńmen arttyryp, olardyń túrlerin kóbeı­týge aıryqsha den qoıa bastady. О́tken jyldyń qorytyndysynda óndirilgen ónim kólemi 6,4 mlrd teńgeni quraǵan. Budan se­riktestiktiń turaqty damyp kele jatqanyn, óńirdiń óner­kásiptik áleýetin arttyrýǵa qos­qan úlesi eleýli ekenin baı­qaýǵa bolady.

Qazir munda 65 adam turaq­ty jumyspen qamtylǵan, qyzmet­kerlerdiń ortasha aılyq jala­qysy shamamen 300 myń teńgege jýyqtaıdy.

Búginde kásiporynda jalpy aýdany 6 myń sharshy metrdi quraıtyn jańa óndiristik sehtyń qurylysy júrip jatyr. Atalǵan nysandy bıyl maýsym aıynda paıdalanýǵa berý josparlanyp otyr. Osy jobany júzege asyrýǵa 4 mlrd teńge kóleminde ınvestısııa tartyldy. Jańa sehtyń iske qosylýy, eń aldymen, aýyl sharýashylyǵy tehnıkasynyń óndiristik qýatyn aıtarlyqtaı arttyrýǵa, sondaı-aq keminde 100 jańa jumys ornyn qurýǵa múmkindik beredi.

Kompanııanyń alǵa qoı­ǵan basty maqsaty – ónim ón­di­ri­sinde otandyq tehnologııa men shıkizatty qoldanyp, júz paıyz otandyq taýar shyǵa­rý. Keleshekte zaýyt óz taýaryn О́zbekstan, Qyrǵyzstan, Túrik­menstan men Reseı Federasııasyna jóneltýdi josparlap otyr. So­ny­men qatar Shyǵys Eýropa elderimen aýyl sharýashylyǵy tehnıkasyn jetkizý boıynsha kelissózder júrgizilip jatyr.

Seriktestik dırektorynyń orynbasary Mýslım Tajıdınov­tiń aıtýynsha, qazir kompanııanyń Almaty qalasynda fılıaly bar. Onda ǵımarat qurylysyna arnalǵan sendvıch panelder men metall shatyr jabyndysy óndiriledi. Endi Qaraǵandydan da bir bólimshe ashylmaq. Ol jerde aýyl sharýashylyǵy tehnıkasyn, sonyń ishinde traktor jasap shyǵarýdy josparlap otyr.

«Traktor qurastyrýǵa motordy qaıdan satyp alatynymyzdy qazir oılastyryp jatyrmyz. Qalǵan bólshekterin ózimiz jasaımyz degen nıet bar. Ol bizdiń qolymyzdan keledi. Sebebi magıstraldy munaı, gaz qubyrlaryn dıagnostıkalaıtyn kúrdeli qurylǵyny ózimiz jasap shyǵardyq. Elimizde bizden basqa mundaı kásiporyn joq. Reseıde ǵana eki zaýyt bar. Buryn elimizde óndirilmeı turǵanda munaı, gaz kompanııalary Reseıden tapsyrys berip aldyratyn. Qazir «Intergaz Ortalyq Azııa» AQ «Shymkent» magıstarldy gaz qubyrlary basqarmasy mekemesine servıstik qyzmetti biz ǵana kórsetemiz. Dıagnostıkalaý qurylǵysyn satý boıynsha Túrikmenstanmen 8 mln dollarǵa kelisimshart jasasyp jatyrmyz», deıdi M.Tajıdınov.

Kadr máselesine de toqtala ketken ol kásiporynǵa bilikti ma­mandar qajet ekenin aıtady. Zaýyt óz tarapynan qarjy bó­lip, jastardy kúrdeli stanoktar­da jumys isteýdi úıretedi. Bi­raq jas mamandar turaqty ju­mys istemeı, basqa jaqtarǵa ketip qa­lady eken. Qala ákimi Ǵabıt Syz­dyqbekov kásiporyn jumysymen tanysý barysynda osy máseleni sheshýge ýáde etken. Iаǵnı  Jumyspen qam­tý ortalyǵy arqyly memleket ese­binen kadrlar daıarlanyp, zaýyt­qa jiberiledi. «Ger­ma­nııadan arnaıy mamandar sha­qyrtýdy da kózdep otyrmyz. Olarmen tájirıbe almasý mańyzdy bolyp tur. Aldaǵy ýaqytta Shyǵys Eýropa elde­rine aýyl sharýashylyǵy teh­nı­kasyn eksporttaǵymyz kele­di. Sebebi bul elder osy kezge sheıin ondaı tehnıkany negizinen Ýkraı­nadan alyp keldi. Al búgingi jaǵ­daıǵa baılanysty Ýkraına Shy­ǵys Eýropa memleketteriniń surany­syn tolyq qanaǵattandyra almaı otyr. Atalǵan elderdiń Ýkraına ónimine qyzyǵýynyń sebebi – baǵasy arzan. Bizdiń de ónimimizdiń baǵasy Batys Eýro­panyń aýyl sharýashylyǵy tehnıkalaryna qaraǵanda eki ese tómen. Osy múmkindikti múlt jiberip almaýy­myz kerek. Son­dyqtan otandyq ónimdi tanysty­ratyn arnaıy kórme alańy uıymdastyrylsa, ózimizdiń sapaly aýyl sharýa­shylyǵy tehnıkalaryn Shyǵys Eýropanyń áleýetti satyp alýshylaryna tanystyrýǵa ázirmiz», deıdi M.Tajıdınov.

ShYMKENT