Ústimizdegi jylǵy 22-24 tamyz aralyǵynda Astanada erler komandalary arasyndaregbı 7-den Qazaqstannyń ashyq chempıonatynyń IV týry ótetin bolady. Bul týraly qalalyq týrızm, dene tárbıesi jáne sport basqarmasynyń baspasóz qyzmeti habarlady.
Jarystyń ashylý saltanaty 22 tamyz kúni saǵat 12:00-ge josparlanyp otyr. Aloıyndardyń ózi kún saıyn saǵat 10.00-den bastap «Dostyq» sport kesheniniń alańynda, ıaǵnı Q.Muńaıtpasov atyndaǵy ortalyq stadıonda ótedi.
Chempıonatqa «Dınamo-SKR Almaty», PRK «Olımp» (Taldyqorǵan), «Dınamo» (Shymkent), VKS – №1 ORBJSM (Almaty), «Kaspıı» (Aqtaý), №2 BJSMOR (Almaty), Qostanaı oblysynyń IID, «Qarasaı Eýrazııa Sport» (Qaskeleń), «Barys» (Jambyl oblysy), «Ýnıversıtet» (Pavlodar) jáne elordalyq «Astana» komandasy qatysady.
Regbı-7 Qazaqstan chempıonaty 17-20 mamyr kúnderi Almatyda bastaldy. Qazir týrnır kestesinde «Dınamo-SKR Almaty» (Almaty) 63 upaımen alda keledi. Odan keıin Taldyqorǵannyń PRK «Olımp» komandasy 57 upaımen ekinshi orynda tursa, «Astana» klýby 49 upaımen úshinshi oryndy ıelenip otyr.
Dastan Kenjalın.