Byltyrǵy maýsymnyń qorytyndysy boıynsha Qazaqstan ulttyq quramasy men Almatynyń «Qaırat» klýbynyń múshesi Igıta eń úzdik qaqpashy atanýy múmkin.
«Futsal Planet Awards» konkýrsynyń eń úzdik qaqpashy ataǵynan úmitkerler qatarynda Igıtadan bólek, Gýıtta («Sportıng», Portýgalııa), Mıodrag Aksentıevıch (ASSS, Fransııa), Karlos Barron («Palma», Ispanııa), Djonı Mendesh («Pato», Brazılııa), Lýkas Farah («Boka Hýnıors», Argentına), Hýanho («Barselona», Ispanııa), Mohammadı («Gazprom-IýGRA», Reseı) jáne Iýshı Sekıgýchı («Nagoıa Oýshens», Japonııa) syndy sańlaqtar bar.
33 jastaǵy Brazılııanyń Rıo-de-Janeıro qalasynyń týmasynyń shyn esimi – Leonardo de Melo Vıeıra Leıte. Igıta degen laqap atpen tanylǵan fýtzal sheberi 2009-2010 jyldary Qaraǵandynyń «Tulparynda» oınasa, 2011 jyldan beri «Qaırattyń» sapynda jasyndaı jarqyrady. 2013 jyly Qazaqstannyń azamattyǵyn alyp, túrli halyqaralyq dodalarda el namysyn abyroıly qorǵaýda. 2015, 2016 jáne 2018 jyldary Igıta álemniń eń úzdik qaqpashysy atandy.