Shymkent qalasynda 2013-2014 oqý jyly qarsańynda «Sapaly bilim men tárbıe berý – Qazaqstannyń memlekettik saıasatynyń basymdyǵy» taqyrybynda bilim berý qyzmetkerleriniń pedagogıkalyq tamyz keńesi ótti. Bul týraly oblys ákiminiń baspasóz qyzmeti habarlady.
Keńes ashylýy aldynda oblystyq bilim basqarmasynyń atqarǵan jumystary týraly beıne-rolık kórsetilip, jınalǵandar ótkizilgen is-sharalar barysymen tanystyryldy. Keńes oblystyq bilim basqarmasynyń basshysy Albına Elshıevanyń oblys ustazdaryn jańa oqý jylymen quttyqtaýmen bastalyp, keńes barysynda ótken jylǵy atqarylǵan jumystarǵa taldaý jasaldy jáne jańa oqý jylynda alǵa qoıǵan mindetter saralandy.
Keńeske qala, aýdan ákimderiniń bilim salasy boıynsha orynbasarlary, aýdandyq, qalalyq bilim bólimderiniń meńgerýshileri, oblys bilim salasyndaǵy baqylaý departamenti, oblystyq balalardyń quqyqtaryn qorǵaý basqarmasy, «О́rleý» ınstıtýtynyń basshylary, bilim salasy qyzmetkerleri men buqaralyq aqparat quraldary ókilderi, barlyǵy 500-deı adam qatysty.
Májilistiń kún tártibi boıynsha bilim salasy qyzmetkerleriniń baıandamalary oqylyp, jaryssózge shyqty. Kelesi kezekte Ońtústiktiń jemisti eńbek etken ustazdary, basshylary men zeınetker ustazdaryn Bilim jáne ǵylym mınıstrligi Ulttyq testileý ortalyǵynyń dırektory Qalı Ábdıev «QR Bilim berý isiniń qyzmetkeri» jáne «Y.Altynsarın» tós belgisimen, Ońtústik Qazaqstan oblysy ákiminiń orynbasary Sáken Qanybekov Ońtústik Qazaqstan oblys ákiminiń «Qurmet gramotalarymen», Oblystyq máslıhattyń hatshysy Qudaıbergen Erjan Bilim jáne ǵylym mınıstrliginiń «Alǵys hatymen», Oblystyq bilim basqarmasy basshysy Albına Elshıeva Bilim jáne ǵylym mınıstrliginiń «Qurmet gramotalarymen» marapattap, arnaıy quttyqtady. Sondaı-aq, keńes barysynda bilim salasynda uzaq jyldar boıyna qyzmet jasap, zeınetkerlikke shyqqan ustazdarǵa estelik syılyqtar tapsyryldy.
Murat Aıtqoja.