Erteń táńerteń AQSh-tyń Florıda shtatyndaǵy Maıamı qalasynda kásipqoı boks keshi ótedi. Sol jarysta Qazaqstannyń qos ókili sharshy alańǵa shyǵady.
Jartylaı jeńil salmaqtaǵy Musa Tursynǵalıev argentınalyq Esekel Alberto Tevesen kúsh synasady. 25 jastaǵy qandasymyz buǵan deıingi 10 kezdesýiniń barlyǵyn jeńispen aıaqtap, altaýynda aıqyn basymdyq tanytty. 35 jastaǵy Ońtústik Amerıkanyń oǵlany 18 ret rıngke kóterilip, 13 básekeni (4 nokaýt) óz paıdasyna sheshti.
Birinshi aýyr salmaqtaǵy Serik Musádilov amerıkalyq Kvıntella Tomsonmen aıqasady. Serik bes kezdesý ótkizip, barlyǵyn nokaýtpen aıaqtady. AQSh ókili 15 básekeniń tek tórteýinde ǵana jeńiske jetken eken.