Batys Qazaqstan oblysynda polısııa qyzmetkerleri kópirden sýǵa sekirip ólmek bolǵan boıjetkendi ajaldan aman alyp qaldy.
Oral qalasyna qaraıtyn Derkól aýylynda naýryzdyń 12-si kúni 1988 jyly týǵan qyz bala óz-ózine qol jumsamaq bolyp, Derkól aýyly aýmaǵyndaǵy Shaǵan ózenindegi kópirden sekirip ketken. Bul jóninde saǵat 20:30 kezinde polısııanyń «102» kezekshi operatoryna qońyraý túsken.
- Sýyt habar túsken boıda sol aýmaqta kezekshilikte júrgen Oral qalalyq Polısııa basqarmasy patrýldik polısııa batalonynyń qyzmetkerleri, polısııa leıtenanty Parasat Jolbaev pen polısııa kapıtany Erlan Qojasov oqıǵa ornyna jetedi. Aınalany barlap, sol mańaıdaǵy saıajaı qoǵamy turǵyndarynan qaıyq surastyrady. «Sýǵa adam qulap tústi, kómektesý kerek» degen sátte aýyl turǵynynyń biri qaıyǵyn beredi, - deıdi polısııanyń baspasóz qyzmetkeri Asylaı Ǵubasheva.
Polısııa qyzmetkerleri qaıyqpen sý ortasyna jetken kezde boıjetkenniń denesi sý betinde qalqyp tur eken. Ony birden kópir astyndaǵy beton alańqaıǵa shyǵaryp, jasandy tynys aldyrýǵa kirisedi. Sóıtip, qyzdyń tiri ekeni bilingen sátte arnaıy jattyǵýlar jasap, jutqan sýyn shyǵarady. Kóp keshikpeı qutqarýshylar jasaǵy men jedel járdem de kelip jetedi. Boıjetkendi qaıyqqa salyp, jaǵaǵa deıin jetkizip, dárigerlerdiń qolyna tapsyrady.
Qazirgi ýaqytta qyzdyń jaǵdaıy bir qalypty. Aıta keteıik, oraldyq polısııa qyzmetkerleri buǵan deıin de eki márte dál osyndaı jaǵdaıda sýısıd jasamaq bolǵan qyzdardy qutqarǵan bolatyn.
Batys Qazaqstan