Ońtústik Qazaqstan oblysy kásipkerlerge qyzmet kórsetý ortalyǵynda «Ońtústiktiń ınvestısııalyq jobalary» atty kezekti tórtinshi kórmesi ótkizildi. Bul týraly oblys ákiminiń baspasóz qyzmeti habarlady.
Kórmeniń basty maqsaty oblys aýdandary men qalalaryndaǵy toqtap qalǵan kásiporyndar men jobalarǵa ınvestısııa tartyp, qaıta jandandyrý bolyp tabylady. Búgingi kórmede Túrkistan, Arys qalalary men Otyrar aýdanyndaǵy 30-ǵa jýyq ınvestısııalyq jobalar stendterde kórsetilip, óz kezeginde ár aýdan ákimderi jobalardy tanystyryp ótti. Atalǵan kórme Ońtústik Qazaqstan oblys ákimi Asqar Myrzahmetovtyń tapsyrmasymen ótkizilýde.
«Bizdiń ortalyq mamandary kórmede kórsetiletin jobalar týraly jan-jaqty jáne tolyqqandy aqparattyń tarytylýyn, mysaly jyly-jaı, baq egý sııaqty jobalar usynylatyn bolsa, aýdan nemese qalalardaǵy klımattyq jaǵdaılary týraly málimettiń ınvestorlarǵa jetkizilýin qamtamassyz etedi», – deıdi Ońtústik Qazaqstan oblysy kásipkerlerge qyzmet kórsetý ortalyǵynyń dırektory Nurjan Altaev.
«Búgingi kórmede kásipkerlerge Arys, Túrkistan qalalaryndaǵy, sondaı-aq Otyrar aýdanyndaǵy jobalar kórsetilgen. Aýdan ákimderi ınvestorlarǵa Arys qalasy men Otyrar aýdanyndaǵy ındýstrıaldy aımaqtarda kásipkerlerge usynylatyn tıimdi sharttary, Túrkistan qalasynda plastıkalyq shólmek shyǵaratyn zaýytty salý jobasy týraly, t.b. birqatar jobalardy usynatyn bolady. Kórme sońynda jobalarǵa qyzyǵýshylyq tanytqan ınvestorlar men aýdan ákimdikteri arasynda birqatar memorandýmdarǵa qol qoıylady dep josparlanýda», – dedi N.Altaev.
Is-shara barysynda ınvestorlarǵa aýdandardaǵy paıdaly qazbalar qorlary, qurylys jobalary, aýylsharýashylyqty damytý t.b. ınvestısııa qajet etetin jobalar tanystyryldy. Investısııalyq jobalar kórmesi ár aptanyń senbi kúninde 24 tamyzǵa deıin jalǵasady. Kórme qorytyndysy boıynsha ınvestorlar men ákimdikter arasynda 12 memorandýmǵa qol qoıyldy. Memorandýmǵa qol qoıylǵan jobalardyń ishinde Arys qalasynda penabeton men peskoblok, makaron ónimderin shyǵaratyn zaýyttaryn salý, Otyrar aýdanynda qurama jem shyǵarý sehin, Túrkistan qalasynda sút ónimderin óndiretin sehin salý t.b. jobalar boıynsha kelisimder jasalyp, iske asyrylatyn boldy. Kórmeniń tórtinshi kúniniń qorytyndysy boıynsha jalpy sommasy 4,4 mlrd teńgege ınvestısııalyq jobalar iske asyrylyp atalǵan aýdandarda 454 jańa jumys oryndary ashylady dep josparlanýda.
Sultan Bozaıǵyr.