Taraz qalasyndaǵy Jambyl oblystyq №6 boks mektebiniń burynǵy jattyqtyrýshysy Danııar Úkibaev kisi óltirgeni úshin aıyptalyp, 6 jylǵa bas bostandyǵynan aıyryldy. Bul týraly «Nur rz» portaly habarlady.
Tergeý amaldarynyń qujattary boıynsha anyqtalǵandaı, 2013 jyldyń 12 tamyzynda óz úıiniń mańyndaǵy kósheden 4 jáne 6 jasar balasyn jetektep ótip bara jatqan 32 jastaǵy Vıacheslav Sychev degen azamatty D.Úkibaev soqqyǵa jyǵyp, aýrýhanaǵa túsiredi. V.Sychev aýrýhanada 10 kúndeı esin jııa almaı, kóz jumady.
Oqıǵanyń shyǵý sebebine toqtalsaq, avtokólik mingen Úkibaev ózine jol bere qoımaǵan jaıaý júrginshi – Sychevke mashınasynan túsken boıda birneshe ret judyryq jumsaıdy. Sondaı-aq, Úkibaevtyń týysy, kólik ishinde bolǵan Qaırat Shámshıev te ózge jaıaý júrginshilerge kúsh kórsetedi. Janjaldan keıin Úkibaev pen Shámshıev oqıǵa ornynan izderin sýytady. Biraq polısııa qyzmetkerleri ekeýin de sol kúni qolǵa túsiredi.
Sychevtiń ózin kináli etip kórsetýmen bolǵan aıyptalýshylardyń sózine tergeýshi de, sot ta kóbirek senip, qatelikke boı aldyrǵan. Sol sebepti, atalmysh oqıǵa boıynsha qylmystyq is bir jyldaı ýaqytqa sozylǵan.
Aıyptalýshylardyń aıtýynsha, Sychev alkogoldik ishimdik iship alyp, ózderine shabýyldaǵan, sodan keıin jol jıegindegi bordıýrge basymen qulaǵan. Alaıda, medısınalyq tekserý kinálilerdiń jalasyn joqqa shyǵardy.
Nátıjesinde D.Úkibaev 6 jylǵa, Q.Shámshıev 2 jylǵa túrmege jabyldy.
Joldybaı Bazarov.