Elimizde Almaty men Nur-Sultan qalasynda taǵy eki azamattan koronavırýs anyqtaldy. Bul týraly Densaýlyq saqtaý mınıstrliginiń resmı ókili Dıas Ahmetshárip habarlady.
«Dál qazir belgili bolǵandaı, Almatyda koronavırýs indetin juqtyrǵan taǵy bir azamat anyqtaldy. Ol 1958 jyly týǵan er adam, jeke kásippen aınalysady. Ol Almaty qalasyna Máskeýden 10 naýryzda ushyp kelgen. Qazirgi tańda karantınde jatyr» dedi Dıas Ahmetshárip.
Sonymen qatar, elordada taǵy bir naýqas tirkelgen. Áıel adam. Ol Varshava-Nur-Sultan ushaǵymen ushyp kelgen.
Qazirgi ýaqytta koronavırýs juqtyrǵan qazaqstandyqtar sany 6-ǵa jetti. Onyń 4-eýi Almatyda, 2-eýi Nur-Sultan qalasynda.