Qazaqstannyń Seısmıkalyq stansııalar jelisi Almatydan ońtústik-shyǵysqa qaraı 311 shaqyrym qashyqtyqta jer silkinisin tirkedi. Jerasty dúmpýleriniń oshaǵy Qyrǵyzstan men Qytaı shekarasyna jaqyn aýmaqta ornalasqan, dep jazady Egemen.kz.
Tótenshe jaǵdaılar mınıstrligi taratqan málimetke sáıkes, jer silkinisiniń magnıtýdasy 5,3 MPV-di quraǵan, al terbelis oshaǵy 15 shaqyrym tereńdikte bolǵan. Dúmpý Almaty oblysynyń birneshe eldi mekeninde sezilgen.
Eseptik málimetter boıynsha, Narynqol men Kegen aýyldarynda jer silkinisiniń kúshi 3 ball shamasynda tirkeldi. Al Saty, Kókpek, Shelek, Qaıypova, Malovodnoe jáne Túrgen aýyldarynda 2 ball deńgeıinde sezilgen. Bul eldi mekenderdiń epısentrden araqashyqtyǵy 66 shaqyrymnan 269 shaqyrymǵa deıin jetedi.
Kaspıı teńizinde jer silkinisi tirkeldi
Sondaı-aq 2 baldyq jer silkinisin Jarkent qalasynyń turǵyndary da sezgen. Qala Jetisý oblysy aýmaǵynda ornalasqan.
Aldyn ala málimetke sáıkes, jer silkinisi saldarynan qıraǵan ǵımarattar men zardap shekkender týraly aqparat túsken joq. Quzyrly organdar jaǵdaıdy baqylaýda ustap otyr.
Eske sala keteıik, budan eki buryn 2-4 ball aralyǵyndaǵy jer silkinisi sezilgen edi. Keıin mamandar ózen arnalaryn, gıdrotehnıkalyq qurylystardy, kóshkin jáne sel qaýipi bar ýchaskelerge monıtorıng júrgizdi.