Atyraý oblysynda alıment tólemeı júrgen 3 myńnan astam adam bar. Olardyń bereshegi 3 mlrd teńgeden asyp otyr, dep habarlaıdy Egemen.kz.
Oblystyq Ádilet departamentiniń bólim basshysy Aqbóbek Dúsipqalıevanyń deregine súıensek, jeke sot oryndaýshylarynyń qolynda alıment óndirýge qatysty 10 myńnan astam qujat jatyr. Onyń ishinde 5 myń is boıynsha boryshkerlerdiń tólemi tikeleı jumys ornynan ustalady.
Abaı oblysynda alıment óndirý tetigi kúsheıdi
«Qazir 2 myńǵa jýyq boryshker alımentti erikti túrde tóler júr. Alımentke bereshegin múldem tólemeıtin boryshkerlerdiń sany – 260. Bizdiń oblysta alımentti tóleýshiler qatarynda 28 áıel bar», deıdi Aqbóbek Dúsipqalıeva.
Oralda alıment tólemegen boryshker bas bostandyǵynan aıyryldy
Boryshkerlerdi tabys kózimen qamtý úshin óńirde 6 ret arnaıy bos jumys oryndary jármeńkesi uıymdastyrylǵan. Nátıjesinde 617 boryshker jumysqa ornalasqan. Olardyń arasynda alıment bereshegin tólemegen 542 adam bar.