Qazaqstan Respýblıkasy Parlamenti Senatynyń Tóraǵasy – Álemdik jáne dástúrli dinder kóshbasshylary sezi Hatshylyǵynyń Basshysy Qaırat Mámıdiń BUU Bas hatshysynyń О́rkenıetter alıansy jónindegi Joǵarǵy ókili Nassır Abdýlazız ál-Nassermen keshegi kezdesýinde Álemdik jáne dástúrli dinder kóshbasshylary sezi men О́rkenıetter alıansy arasyndaǵy ózara is-qımyl máseleleri sóz boldy, dep habarlady Senattyń baspasóz qyzmeti.
Qazaqstan Respýblıkasy Parlamenti Senatynyń Tóraǵasy – Álemdik jáne dástúrli dinder kóshbasshylary sezi Hatshylyǵynyń Basshysy Qaırat Mámıdiń BUU Bas hatshysynyń О́rkenıetter alıansy jónindegi Joǵarǵy ókili Nassır Abdýlazız ál-Nassermen keshegi kezdesýinde Álemdik jáne dástúrli dinder kóshbasshylary sezi men О́rkenıetter alıansy arasyndaǵy ózara is-qımyl máseleleri sóz boldy, dep habarlady Senattyń baspasóz qyzmeti.
Nassır Abdýlazız ál-Nasser Qazaqstan bastamashy bolyp tabylatyn 2013-2022 jyldardaǵy mádenıetterdi jaqyndastyrýdyń halyqaralyq onjyldyǵyn ulyqtaý jónindegi halyqaralyq forýmǵa qatysý úshin bizdiń elimizge kelip otyr. BUU Bas Assambleıasynyń 67-sessııasy «Beıbitshilik jolyndaǵy ózara túsinistik jáne yntymaqtastyq, mádenıetaralyq jáne dinaralyq únqatysýdy ilgeriletý» qararyn qabyldaǵan bolatyn.
Áńgime barysynda Qazaqstan negizinen álem mádenıeti jónindegi qararlar avtorlarynyń biri retinde júıeli túrde kórinip kele jatqany atalyp ótildi. «BUU janyndaǵy Adam quqyqtary jónindegi keńestiń múshesi bolyp Qazaqstannyń saılanýy azamattar quqyqtary men bostandyǵyn qamtamasyz etýdegi bizdiń elimiz tabystarynyń halyqaralyq turǵyda moıyndalýy ekenine nyq senimdimin», – dedi Q.Mámı.
Álemdik jáne dástúrli dinder kóshbasshylary sezi men О́rkenıetter alıansy arasyndaǵy yntymaqtastyqtyń keleshegin talqylaı kelip, áńgimelesýshiler jalpyǵa birdeı beıbitshilik pen qaýipsizdikke qol jetkizý isinde dinaralyq jáne mádenıetaralyq tózimdilik pen kelisim rólin arttyrýǵa baǵyttalǵan birlesken jumystardy damytý qajettigin atap ótti.
«Qazaqstan Prezıdenti Nursultan Nazarbaev 2012 jylǵy qazan aıyndaǵy Avstrııaǵa resmı sapary barysynda eki forýmnyń kúsh-jigerin biriktirýdi usynǵan bolatyn. Biz dinaralyq jáne konfessııaaralyq únqatysý men kelisimdi nyǵaıtý salasynda jınaqtalǵan mol tájirıbemizdi О́rkenıetter alıansymen bólisýge ázirmiz», – dep atap ótti Senat Tóraǵasy.