Harkov qalasynda júzýden Ýkraınanyń lısenzııalyq ashyq chempıonaty máresine jetti. Halyqaralyq jarysta Qazaqstandyq sportshylar alty medal jeńip aldy, dep habarlady UOK baspasóz qyzmeti.
Áıelder arasynda 200 metrge shalqalaı júzýden Anastasııa Rezvanseva ekinshi oryn ıelendi. Bul básekedegi altyn jáne qola medaldi ýkraınalyq sportshylar enshilegen. Erler arasyndaǵy synda Gleb Kovalenıa qola júldeger atandy. Anastasııa Rezvanseva men Ekaterına Bolgarskaıa 50 metrge shalqalap júzýden tıisinshe ekinshi jáne úshinshi orynǵa taban tiredi. 200 metrge keshendi júzýden Ksenııa Ignatova kúmis júldege qol jetkizdi. Al Ekaterına Bolgarskaıa 100 metrge shalqalap júzýden úshinshi satyǵa taban tiredi.