• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 17 Naýryz, 2020

Úkimet bankterge nesıesin keshiktirgenderge ósimpuldardy eseptemeýdi tapsyrdy

501 ret
kórsetildi

Almatydaǵy bıznes ókilderi úshin daǵdarysty jaǵdaıda el Úkimeti qabyldaǵan sharalar toptamasy birqatar múmkindikterge jol ashady.

Úkimet otyrysynda Qazaqstan Respýblıkasynyń Premer-Mınıstri Asqar Mamın tótenshe jaǵdaı kezinde tólemin keshiktirgen qaryz alýshylarǵa aıyppul eseptelmeıtindigin aıtty.

Daǵdarysqa qarsy sharalar toptamasyn bekitken Úkimet otyrysynda kásipkerlik pen otandyq óndiristi qoldaý sharalary qaralyp, onyń barysynda  «Bankter qaryz alýshylar Tótenshe jaǵdaı engizilgen kezde tólemderdiń merzimin ótkizip alǵan jaǵdaıda aıyppuldar men ósimpuldardy eseptemeıtin bolady. «Barlyq bankter qarjylyq jaǵdaıy nasharlaǵan bıznes ókilderine tólem  merzimin uzartý múmkindigin berýi kerek», — dep atap ótti A. Mamın.

Bıznesti qoldaý jáne eńbek naryǵyndaǵy turaqtylyqty qamtamasyz etý jónindegi shuǵyl sharalar toptamasy qarjylandyrýdyń qoljetimdiligin arttyrýdy, kepildikter berýdi, salyqtyq yntalandyrýdy, bıznesti tekserýdi azaıtýdy jáne jumyspen qamtamasyz etýdi qamtıdy. Atap aıtqanda, 1 trln teńgege deıin nesıe berý jáne «Qarapaıym zattar ekonomıkasy» baǵdarlamasy boıynsha basym taýarlar tizimi keńeıtiledi, «BJK –  2025» memlekettik baǵdarlamasy boıynsha nesıeniń joǵarǵy shegi ulǵaıtylady jáne salalyq shekteýler alynyp tastalady, bıznesti nesıelendirý kezinde kepildik berý tetigi jeńildetiledi.

Iri saýda nysandary, kınoteatrlar, teatrlar, kórmeler, sport obektileri zańdy tulǵalar men jeke kásipkerler úshin múlik salyǵynan bir jyl merzimge bosatylatyn bolady, bir toqsanǵa ósimaqy esepteý toqtatylady, 3 toqsan úshin salyq eseptiliginiń merzimi keıinge aýystyrylatyn bolady. Jalpy belgilengen tártipte jumys isteıtin jeke kásipkerler salyqtardan bosatylady.

Otandyq bıznes qosymsha qarjylyq júktemesiz biregeılendirilgen sharttarda (6%) áreket etip turǵan memlekettik baǵdarlamalardyń (Bıznestiń jol kartasy – 2025, «Eńbek», IIDMB-2025, «Qarapaıym zattar ekonomıkasy» jáne t. b.) qoldaýdyń jeńildikti sharalaryn paıdalanatyn bolady.

AО́K salasynda nesıelendirýdiń jańa tetigi, sondaı-aq iri qara mal men asyl tuqymdy balapandardy qamtıtyn AО́K bıologııalyq aktıvteriniń ımportyna QQS-dan bosatý, sonymen qatar 7 myńǵa jýyq sharýany aýyl sharýashylyǵy maqsatyndaǵy jerlerge salyq tóleýden bosatý túrinde qosymsha salyqtyq yntalandyrýlar engiziledi.

«Memleket basshysy Qasym-Jomart Kemeluly Toqaevtyń tapsyrmasy boıynsha Úkimet shaǵyn, orta jáne iri bıznes kásiporyndaryn qoldaýdyń teńdessiz sharalaryn qabyldaıdy. Bul sharalar, eń aldymen, qazirgi jumys oryndaryn saqtaýǵa jáne kásipkerler men azamattardyń iskerlik belsendiligin yntalandyrý arqyly jańa jumys oryndaryn qurýǵa baǵyttalǵan», - dedi A. Mamın.

Atalǵan jumysqa Qazaqstan azamattaryn tarta otyryp, ınfraqurylymdyq, áleýmettik nysandardy jáne jergilikti mańyzy bar joldardy jóndeýdi qarastyratyn Jumyspen qamtýdyń jol kartasyn iske asyrýǵa 300 mlrd teńge bólinedi.

Úkimet basshysy úsh kúndik merzimde salalyq memlekettik baǵdarlamalarǵa kásipkerlerdi qoldaýdyń jańa formalaryn engizý boıynsha qaýlylar jobalaryn daıyndaýdy tapsyrdy. «Memleket basshysynyń Jarlyqtaryn iske asyrý úshin biz salyq tóleýshilerdiń jekelegen sanattary úshin salyq mólsherlemelerin belgileýdiń erekshe tártibin anyqtaý, bıýdjetti qalyptastyrý men oryndaý, memlekettik satyp alýdyń arnaıy tártibin anyqtaý boıynsha kóptegen sheshimderdi qabyldaımyz. Jalpy, kásipkerlikti jáne otandyq óndiristi qoldaýdyń jańa sharalary 200 myńnan astam jańa jumys ornyn ashady»,- dedi A. Mamın.

 

ALMATY

Sońǵy jańalyqtar