Memlekettik komıssııanyń sheshimimen Nur-Sultan jáne Almaty qalalarynan turǵyndar men qonaqtarynyń bıylǵy jyldyń 22 naýryzy 00.00 saǵatqa deıin kirýine nemese shyǵýyna ruqsat berildi. Bul týraly «Qazaqstan temir joly» UK» AQ baspasóz qyzmeti habarlady.
2020 jyldyń 22 naýryzy 00.00 saǵattan keıin keste boıynsha elimizdiń ózge óńirlerinen kelýi josparlanǵan poıyzdar baǵyty toqtatylatyn bolady. Atalǵan poıyzdarǵa bıletter satylmaıdy.
Sondaı-aq 2020 jyldyń 22 naýryzy 00.00 saǵattan bastap Nur-Sultan men Almaty qalalary stansalarynda jolaýshylardy otyrǵyzý men túsirýge tyıym salynady.
Atalǵan qalalar arqyly tranzıttik poıyzdardyń toqtamaı ótýi barynsha qamtamasyz etiledi.
Karantın rejımi bitkenge deıin Nur – Sultan men Almaty qalalarynan qalamańy jolaýshylar poıyzdarynyń qozǵalysy toqtaıdy.