Qazaqstanda tirkelgen COVID-2019 vırýsy jóninde halyqqa neǵurlym shynaıy ári tolyqqandy aqparatty jedel jetkizý úshin habar taratýdyń barlyq kózi keńinen qoldanylyp jatyr. Endi mine, Telegram-bot jumys isteı bastady.
Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń habarlaýynsha, onyń kómegin paıdalanýshylar koronavırýstyq ınfeksııasyna baılanysty tolǵandyrǵan saýaldaryna jaýap ala alady. Bul biryńǵaı baılanys ortalyǵy operatorlarynyń júktemesin azaıtý jáne turǵyndardan kelip túsken saýaldarǵa jaýap berý rásimin jeńildetý maqsatynda iske qosyldy, deıdi mamandar.
Telegram-bot arqyly qajetti aqparat alý úshin chattaǵy «Start» batyrmasyn basý qajet. Budan ári kórsetilgen baǵyt boıynsha suraq-jaýapqa ótedi. Álbette, bul qyzmetti paıdalaný úshin qoldanýshy Telegram jelisine tirkelgen bolýy kerek.
Telegram-botta koronavırýstyq ınfeksııa týraly negizgi málimetter qazaq jáne orys tilderinde berilgen.
Qymbat TOQTAMURAT