Nur-Sultan qalasy ákiminiń orynbasary Baqtııar Máken karantın kezinde elordada indetti eskertý jáne aldyn alý boıynsha kúsheıtilgen talaptardy atady.
Birinshi. Infeksııanyń taralýyna jol bermeý úshin arnaıy О́ŃIRLIK jedel shtab quryldy. Ol táýlik boıy qyzmet etedi.
Ekinshi. Tótenshe jaǵdaı kezinde, Karantınge sáıkes halyq pen sharýashylyq sýbektileriniń qyzmetin retteý úshin, qalalyq shtabtyń arnaıy sheshimi qabyldandy.
Úshinshi. Karantın jaǵdaıynda qalanyń azyq-túlik qaýipsizdigin qamtamasyz etý úshin arnaıy is-sharalar jospary iske asýda. Qosymsha azyq-túlik taýarlaryn jetkizý máselesi, óńirlermen birlese otyryp sheshildi. Qazirgi tańda halyqqa eń birinshi qajetti áleýmettik jáne tutynýshylyq taýarlar qory jetkilikti. Saýda úıleri men qoımalarda artyq kólemde qor jınaqtalǵan.
Tórtinshi. Densaýlyq saqtaý mınıstrliginiń A jáne V josparyndaǵy is-qımyl algorıtmine sáıkes, koronavırýs ınfeksııasyn juqtyrǵan adamdarmen baılanysy bolǵan tulǵalarǵa arnalǵan aldyn alý jatyn oryndary men karantın stasıonarlary keńeıtildi. S josparyna sáıkes qosymsha jatyn oryndar jasaqtaldy.
Besinshi. Farmasevtıka qaýymdastyǵy men Taýarlardyń qaýipsizdigin, sapasyn jáne qyzmetin baqylaý departamenti arasynda baǵany retteý, sondaı-aq dárilik jáne medısınalyq taýarlardy jetkizý boıynsha ózara yntymaqtastyq memorandýmyna qol qoıyldy.
Sanıtarlyq-epıdemııaǵa qarsy keńeıtilgen is-sharalar kesheni iske asyrylýda:
Aıaldamalardy, qoǵamdyq kólikterdi, kóshe boılaryn jáne ózge de áleýmettik mańyzdy nysandardy sanıtarlyq retteý jáne dezınfeksııalaý jumystary uıymdastyrylýda (arnaıy hlorly suıyqtyq arqyly)
Azyq-túlik ónimderin satatyn saýda jelileri men dúkenderdiń úzilissiz qyzmet etý múmkindigi qamtamasyz etilýde;
Qoǵamdyq tamaqtaný oryndarynda onlaın tapsyrys berý jáne tamaqty úıge jetkizý formaty júıesi uıymdastyryldy;
Bıznes ortalyqtar, stomatologııa, shashtaraz jáne taǵy basqa halyqqa jekeleı qyzmet kórsetý oryndary saǵat 10.00-den 17.00-ge deıin qyzmet etý rejıminde bolady;
Qurylys jáne olardyń merdiger kompanııalary sanıtarlyq normalardy kúsheıte otyryp, shtattyq rejımde jumystaryn jalǵastyra beredi.
Turǵyndar jáne zańdy tulǵalar, menshik nysanyna qaramastan shekteý sharalaryn, sonyń ishinde karantındik rejımdi oryndaýǵa mindetti.
Azamattardan shyndyqqa janaspaıtyn málimetterdi taratýǵa, arandatýshylyqqa berilmeýge, spekýlıasııaǵa berilmeýlerin suraımyz. Memlekettik mekemelerdiń resmı derekkózderinde jarııalanǵan aqparattarǵa ǵana senińizder.