Almaty qalasy ákimdiginiń málimetinshe, megapolıstegi aýmaǵy 2 myń sharshy metrden asatyn barlyq saýda úıleri men saýda oıyn saýyq ortalyqtary jabyldy. Mundaı shara adamdardyń jınalýyna jol bermeý úshin qabyldandy. Alaıda, osy ortalyqtarda ornalasqan sýpermarketter, dárihanalar men ekinshi deńgeıli bankter jumysyn jalǵastyrady.
Sondaı-aq, qoǵamdyq tamaqtaný oryndary, meıramhanalar óz jumysyn toqtatady. Olarǵa tek tamaqty úıge jetkizip berý arqyly qyzmet kórsetýge ruqsat etiledi. О́z jumysyn sulýlyq salondary, sport zaldary, SPA-ortalyqtary da toqtatýy tıis.
Aýdan ákimderi men prokýrorlar karantın rejımin saqtaýdy qatań baqylamaq. Olar bıznes nysandarynyń engizilgen rejım talaptaryn oryndaǵanyn ne oryndamaǵanyn tekseredi. Jańa erejelerdi elemegenderge ákimshilik jaýapkershilik qarastyrylǵan.