Joǵary hokkeı lıgasynda (JHL) óner kórsetip júrgen Qaraǵandynyń «Saryarqa» klýbynyń bas bapkeri Leonıd Tambıev qyzmetten ketti.
Bıyl kúzde 50 jyldyq mereıtoıyn atap ótkeli otyrǵan Latvııa azamaty kezinde ózi de shaıbaly hokkeıdi jaqsy oınaǵan. Ár jyldary ol óz elinde, Danııa, Fınlıandııa, Germanııa, Reseı, Shveısarııa, Italııa, Aýstrııa chempıonattarynda óner kórsetti.
Leonıd Tambıev 1993-2007 jyldar aralyǵynda Lavtııa ulttyq quramasynyń namysyn qorǵap, 11 álem chempıonaty men eki Olımpıadada baq synady. Jalpy óz eliniń bas komandasy sapynda 205 oıyn ótkizip, 66 shaıbany qaqpaǵa engizdi.
Bapkerliktiń qamytyn kıgennen keıin de eleýli tabystarǵa qol jetkizdi. 2014-5015 jáne 2018 jyldan osy ýaqytqa deıin «Saryarqanyń» bas bapkeri boldy, Sol aralyqta qaraǵandylyqtar JHL-diń turaqty birinshiliginiń jeńimpazy jáne Petrov kýbogynyń ıegeri atandy.
Bıylǵy maýsym qaraǵandylyqtar úshin asa sátti bolmady. Olar Pterov kýbogy jolyndaǵy jarystyń alǵashqy kezeńinde jeńilis tapty.