Almatynyń ekologııalyq ahýalyna jaǵymsyz áser etetin negizgi faktordyń biri avtokólikterdiń kóptigi. Statıstıka boıynsha, kúnine jumys barysymen shaharǵa 200 myńǵa jýyq kólik kirip-shyǵady. Karantınge baılanysty basqa aımaqtar men Almaty oblysy aýmaǵynan keletin kólikterge shekteý qoıylǵaly beri aýa lastanýy anaǵurlym jaqsarǵan.
Kazgıdromettiń sońǵy málimetteri boıynsha, jalpy qala aýmaǵyndaǵy aýa sapasyn qadaǵalaıtyn monıtorıng zııandy bólshekterdiń 3 esege deıin azaıǵanyn kórsetti. Mamandar muny qalaǵa kiretin temir tulparlardyń azaıýymen baılanystyryp otyr. Degenmen shahardyń ortasynda las aýa áli de bolsa saqtalýda.
Buǵan deıin tabıǵat janashyrlary qalanyń aýa keńistigin qalypta ustaý úshin, tym bolmasa aıyna bir kún shaharda avtokóliksiz júrý aksııasyn ótkizý týraly usynys bildirgen edi. Alaıda bul usynys qoldaý taba qoıǵan joq. Kesheli beri turǵyndardyń qala kóshelerinde keptelek azaıyp, aýlalarda tynyshtyq ornaǵany týraly túsirgen beınejazbalary áleýmettik jelide jappaı tarap jatyr.