Halyqaralyq regbı keńesi jahandy jaılaǵan COVID-19 indetine baılanysty birqatar sheshim qabyldady dep jazady Olympic.kz.
Jarysty qabyldaýshy ári qatysýshy memlekettermen ótkizilgen kelissózderden keıin, tómendegi jaıttar anyqtaldy: Regbı-7 sportynan London men Parıjde ótýi tıis erler arasyndaǵy Álemdik serııa oıyndary qyrkúıekke deıin shegerildi. Al áıelder arasyndaǵy týrnırdiń ótkizilý ýaqyty belgisiz.
2021-2023 jyldary ótetin álem kýbogine aımaqtyq irikteý týrnırleri ótpeıtin boldy. Regbıden 20 jasqa deıingi sportshylar arasyndaǵy bıylǵy álem chempıonaty ótkizilmeıdi.
Maýsym aıyna josparlanǵan Olımpıada oıyndaryna irikteý týrnıri keıinge shegerý nemese ótkizbeý máselesi qazir qarastyrylýda. Halyqaralyq regbı keńesi bul másele boıynsha Halyqaralyq Olımpıada komıtetimen tyǵyz baılanysta ekenin aıta ketken jón.