Batys Qazaqstan oblysynyń Aqtóbe jáne Atyraý oblystarymen shekarasyna sanıtarlyq blokpost qoıylyp, polısııa men sanepıd qyzmet mamandary kezekshilik etýge kiristi.
«Koronavırýs boıynsha álemdegi qolaısyz epıdemıologııalyq jaǵdaıdy jáne Qazaqstan Respýblıkasynda tirkelgen oqıǵalardy eskere otyryp, koronavırýs ınfeksııasynyń Batys Qazaqstan oblysy aýmaǵyna enýi men taralýynyń aldyn alý maqsatynda Aqtóbe jáne Atyraý oblystarymen shekaralarda sanıtarııalyq blokpostar qoıyldy» dep habarlaıdy Batys Qazaqstan oblystyq Batys Qazaqstan oblysynyń sapany baqylaý men taýarlar qaýipsizdigi departamentiniń baspasóz hatshysy Ádemi Ǵıbratqyzy.
Sanıtarlyq blokposttar Batys Qazaqstan oblysynyń Shyńǵyrlaý aýdany men Aqtóbe oblysynyń shekarasynda, sondaı-aq Aqjaıyq aýdany men Atyraý oblysynyń shekarasynda qoıylǵan. Sanıtarlyq beketterde polısııa jáne sanıtarlyq-epıdemıologııalyq qyzmet qyzmetkerleri táýlik boıy kezekshilik etip, ary-beri ótken jolaýshylarǵa saýalnama júrgizedi.
Bir kún ishinde Aqjaıyq blokpostynda 321 azamatqa, Shyńǵyrlaý blokpostynda 1058 azamatqa saýalnama júrgizilgen.
«Blokposttan ótken azamattardyń eshbiri densaýlyq jaǵdaıyna shaǵym aıtqan joq, jumys jalǵasýda» deıdi arnaıy taratylǵan habarlamada.
Batys Qazaqstan