Bul týraly Ulttyq testileý ortalyǵynyń dırektory Dıdar Smaǵulov habarlady. Buǵan deıin naýryzdaǵy UBT synaǵynyń elimizdegi tótenshe jaǵdaıǵa baılanysty keıinge qaldyrylǵanyn jazǵanbyz. Jáne UBT synaǵyn tapsyrý aqyly, ıaǵnı 260 teńge turatyn. Endi talapkerler ony onlaın rejimde tegin tapsyra alady.
– 117 myń túlekke arnalǵan jaqsy jańalyq: Bilim jáne ǵylym mınıstri Askhat Aimagambetovtyń bastamasyn jalǵastyryp, testcenter.kz saıtymyzda Ulttyq biryńǵaı testileýdiń onlaın baıqaý synaqtaryn tegin ettik. Buǵan qosa, testter bazasyn maksımaldy túrde jańartyp, ár pánnen 70 biregeı nusqa engizdik, – dep súıinshiledi D.Smaǵulov óziniń feısbýktegi resmı paraqshasynda.
Onyń málimdeýinshe, Ulttyq testileý ortalyǵy kommersııalyq uıym bolǵandyqtan ózin-ózi qarjylandyrady. О́ıtkeni memleket basty qajettilikterge (jıhaz, kompıýterler jáne t.b. tehnıkaǵa), jóndeý jumystary nemese oqytý sharalaryna, sonymen qatar qyzmetkerlerdiń qosymsha tólemderi men syıaqylaryna bıýdjet (tek Ortalyq qyzmetkerleriniń 50% jalaqysy bıýdjetten keledi) bólmeıdi. Sondyqtan test te aqyly boldy. Biraq elimizdegi tótenshe jaǵdaı kezinde talapkerlerge jaǵdaı jasalyp, UBT synaǵynan ótýge baılanysty barlyq tólemder alynyp tastaldy.