Tótenshe jaǵdaı kezinde el qaýipsizdigin qadaǵalap, tańnan keshke deıin jumysta júrgen kúshtik qurylym ókilderi men halyq densaýlyǵy jolynda jumylǵan aq halatty abzal jandardyń eńbegi eren. Almaty qalasynyń ákimi Baqytjan Saǵyntaev qazirgi ýaqytta dál osy mamandyq ıeleriniń eńbegin baǵalaý kerektigin óziniń Instagram paraqshasynda aıryqsha atap ótti.
«Osyndaı qıyn shaqta bizdiń, eldiń amandyǵy úshin tún uıqysyn tórt bólip, otbasynan jyraqta júrip, demalyssyz, janqııarlyqpen kúresip júrgen jandar týraly oılanyp kórdik pe? Bálkim, bázbireýler aıtar, bul polısııa ókilderiniń, áskerılerdiń jáne dárigerlerdiń paryzy dep. Biraq olar ún-túnsiz jasap jatqan sol eńbekteriniń óteýin bizden surap, mindetsinip jatqan joq. Qarapaıym turǵyndar olarǵa qalaı kómektese alady? Aıaýshylyq qajet emes. Tek qana árqaısymyz oryn alǵan jaǵdaıǵa túsinistik tanytyp, óz jaýapkershiligimizdi kúsheıtip, sanaly túrde qoldaý kórsetip otyraıyq. Qabyldanǵan karantındik sharalardyń tıimdiligi de osynda. Bul máńgi emes. Sondyqtan bárińizdi sabyrly bolýǵa, al aldyńǵy qatarda eńbek etip júrgenderge shydamdylyq pen kúsh-jiger tilep qoıaıyq» - dep jazdy qala ákimi Baqytjan Saǵyntaev.