Almatyda aqsha aıyrbastaý núkteleri keshki saǵat 16:00-ge deıin ǵana jumys isteıdi. Bul týraly qala ákimdiginiń baspasóz qyzmeti habarlady. Aqsha aıyrbastaý oryndarynyń jumys ýaqyty megapolıste koronavırýstyń taralýyn boldyrmaý maqsatynda shektelip otyr.
«COVID-19 ınfeksııasynyń taralýyna jol bermeý maqsatynda Almaty qalasy aýmaǵynda karantın jáne tótenshe jaǵdaı kezeńinde Almaty qalasy boıynsha koronavırýstyq ınfeksııanyń taralýynyń aldyn alý jónindegi jedel shtab tótenshe jaǵdaı rejıminiń áreket etý ýaqytynda qalada ýákiletti bankterdiń (olardyń jumys kestesine sáıkes) jáne qolma-qol shetel valıýtasymen aıyrbastaý operasııalaryn júzege asyrýǵa quqyǵy bar ýákiletti uıymdardyń aıyrbastaý pýnktteriniń jumysyn Nur-Sultan qalasynyń ýaqyty boıynsha saǵat 10:00-den 16:00-ge deıin ýaqytsha shekteýge sheshim qabyldady», delingen habarlamada.