«Qazirgi tańda álemniń 201 memleketine tarap úlgergen koronavırýs dertiniń ekinshi tolqyny júrip jatyr» deıdi DDSU. Iаǵnı, naýryzdyń 26 kúngi málimet boıynsha álemde bul vırýsty 465 915 adam juqtyrsa, onyń 21 031-i baqılyq bolypty. Sońǵy eki kúnde jańadan 100 myń aýrý tirkelgen eken.
Dúnıejúzilik densaýlyq saqtaý uıymy (DDSU) árbir memleket dertten saqtaný sharalaryn múltiksiz oryndamasa, asa úlken qaterge urynary sózsiz deıdi. Osy oraıda BUU dert jaılaǵan jaǵdaıy tómen elderge kómektesý úshin 2 mıllıard dollar kóleminde qarjy jumsaýdy qolǵa alyp jatyr.
«Bul jaı bir atalýy kómek emes, qaıtken kúnde atqarylý tıis shara» deıdi BUU.
Osy oraıda Garvard ýnıverstetiniń ǵalymdary, álem elderi saqtyq sharalaryn kúsheıtpese bul dert 16-18 aıǵa deıin sozylýy múmkin ekenin aıtyp dabyl qaǵýda. Ǵalymdardyń paıymdaýynsha, vırýstyń sál-pál toqyraýyna aldanyp qalýǵa bolmaıdy, óıtkeni, álem saýyqpaı budan qutylý qıyn kórinedi.