Batys Qazaqstan oblysy Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev búgin osylaı habarlady.
Bıylǵy jyldyń 31 naýryzyndaǵy Batys Qazaqstan oblysy aýmaǵy boıynsha epıdemıologııalyq jaǵdaı turaqty. 29 naýryzda syrqat ekendigi anyqtalǵan eki naýqas Batys Qazaqstan oblystyq juqpaly aýrýlar aýrýhanasyna jatqyzylǵan. Koronavırýs juqpasy tabylǵan úılerge dızenfeksııalyq jumystar júrgizildi, úıler oqshaýlandy. Qazirgi ýaqytta eki pasıenttiń de jaǵdaıy qanaǵattanarlyq.
- Naýqaspen qarym-qatynasta bolǵan adamdarǵa laboratorııalyq zertteý júrgizildi, saraptama nátıjeleri teris. Barlyǵy da medısınalyq baqylaýda, - dedi Nurlybek Ermekuly.
31 naýryz kúni Batys Qazaqstan oblysynda 38 adam stasıonarlyq karantınde jatyr. Provızorlyq gospıtalde JRVI belgileri bar 53 adam, oblystyń karantın gospıtalinde aýrýmen qarym-qatynasta bolǵan 50 adam jatqyzyldy. 1 «b» sanaty boıynsha 792 adam úı karantınine alyndy.
Oblystyń epıdemıologııalyq jaǵdaıy Batys Qazaqstan oblysy taýarlar men qyzmetterdiń sapasy men qaýipsizdigin baqylaý departamentiniń táýlik boıy baqylaýynda. «Oblys turǵyndaryn qabyldanǵan sharalardy túsinistikpen qarap, barlyq saqtyq sharalaryn saqtaýlaryńyzdy suraımyz» deıdi Batys Qazaqstan oblysy Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmeti.
Batys Qazaqstan