Qytaı ekonomıkasy qaıta bas kóterdi. Álemdik BAQ ókilderi aspanasty eliniń qaraketin qaıta-qaıta basylym betterinde jarııalaýda.
Ýhannan bastalǵan aýyr dertten endi esiń jıǵan Qytaı bıligi baıaǵy súrleýine qaıta tústi. Bıznes salasy kóleńkede qalmaýy úshin birshama shara qoldandy.
Áýeli aqsha-kredıt saıasaty jeńildetildi. Memlekettik organdar áleýmettik turaqtylyqty qamtamasyz etý jáne ekonomıkany yntalandyrý úshin arnaıy baǵdarlamalardy iske qosty. Ulttyq damý jáne reformalar jónindegi komıssııa medısınalyq mekemelerge jáne COVID-19 úshin emdeý materıaldaryna 300 mıllıon ıýan ınvestısııalady. Bankter arqyly zardap shekken salalar men shaǵyn jáne orta bızneske arzan nesıe berildi. Sonymen birge, olardyń tólem merzimderi qaıta qaralyp, aıyppul salynbady.
Sarapshylar bul sharalardyń naryqqa tıgizer paıdasy kól-kósir ekenin aıtýda. Bul - kórshimizdiń qıyn sátte tapqan amalynyń basy ǵana. Búginde Qytaı ekonomıkasynyń qalpyna kelýi tez júrýde, jáne olardyń osy daǵdarysty paıdalanyp ekonomıkalyq baǵytty túzeýge tyrysyp jatqandyǵy baıqalady.