Astanada masa men shybyn-shirkeıge qarsy kúres kúsheıtildi

Astanada masa, shybyn-shirkeı jáne ózge de jándikterge qarsy aýqymdy dezınseksııa jumystary qolǵa alyndy. Qalalyq ákimdik ókilderi turǵyndardy qaýipsizdik sharalaryn saqtaýǵa shaqyryp otyr. Atap aıtqanda, óńdeý júrgizilip jatqan aýmaqtarǵa barýdy shekteý jáne jumys kezinde terezelerdi jabyq ustaý mańyzdy. Pavlodarda shybyn-shirkeıdi áýeden ýlaýǵa 10 ushaq paıdalanylady

Sý aıdyndaryn óńdeýdiń alǵashqy kezeńi sáýir aıynyń basynda bastalǵan. Qazirgi tańda jumystar eki aýysymda júrgizilip jatyr. 150-den astam dezınsektor maman masanyń dernásilderi anyqtalǵan 8600 gektar sý aıdynyn óńdegen.

Mamandardyń málimetinshe, dezınseksııa kezinde zamanaýı tehnıkalar qoldanylady. Atap aıtqanda, mehanıkalyq rotorly búrikkishter, arnaıy dezınseksııalyq kólikter, qamysty jáne jetýi qıyn aımaqtardy óńdeýge arnalǵan kvadrokopterler, al iri sý aıdyndarynda arnaıy jabdyqtalǵan qaıyqtar paıdalanylady. Osyǵan baılanysty qala turǵyndaryna saqtyq sharalaryn qatań ustaný eskertildi.

Sý aıdyndaryndaǵy jumystar aıaqtalǵan soń, 27-29 sáýir aralyǵynda qala aýmaǵyn tolyq óńdeý kezeńi bastalady. Bul jumystar aldymen ortalyqtan bastalyp, keıin shet aımaqtarǵa qaraı yǵystyrý ádisimen júrgiziledi. Sonymen qatar, qatarlas túrde qorǵanys tosqaýyldary qoıylady.

Jándikterge qarsy óńdeý jumystary túngi ýaqytta – 21.00-den 04.00-ge deıin eki aýysymmen iske asyrylady. Árbir kezeń aıyna 20 kúnge sozylady, al jalpy naýqan alty kezeńnen turady. Mamandardyń aıtýynsha, júrgizilip jatqan sharalar nátıjesinde masalardyń sanyn 90%-ǵa deıin azaıtý kózdelip otyr.