Almatyda Ulttyq ǵylym akademııasynda «Science & Business» V halyqaralyq ǵylymı-tájirıbelik konferensııasy ótti. Ǵylymdy damytý, ǵylym men bıznesti yqpaldastyrý, sondaı-aq ǵylymı jáne ǵylymı-tehnıkalyq qyzmet nátıjelerin kommersııalandyrý tetikterin jetildirý máselelerine arnalǵan jıyn Prezıdent janyndaǵy Ulttyq ǵylym akademııasy men «Jalyn» ǵylymı-óndiristik-tehnıkalyq ortalyǵymen birlesip uıymdastyryldy, dep jazady Egemen.kz.
Plenarlyq sessııada UǴA prezıdenti A. Kúrishbaevtyń qatysýshylarǵa arnaǵan sózin vıse-prezıdent A. Serikqanov oqydy.
«Búgingi tańda ǵylym – tek bilim kózi ǵana emes, sonymen qatar turaqty áleýmettik-ekonomıkalyq damýdyń negizgi qozǵaýshy kúshi. Qazaqstan úshin bul shıkizattyq modelden bilimge, tehnologııalarǵa jáne ınnovasııalarǵa negizdelgen ekonomıkaǵa kóshýdi bildiredi. Osy turǵyda ǵylymı júıeniń nátıjelerdi tek qalyptastyryp qana qoımaı, olardy naryqta suranysqa ıe ónimderge, qyzmetterge jáne tehnologııalyq sheshimderge tıimdi túrde aınaldyrý qabileti erekshe mańyzǵa ıe», delingen A. Kúrishbaevtyń qatysýshylarǵa arnaǵan sózinde.
Jıynda UǴA akademıgi, fılologııa ǵylymdarynyń doktory, professor Kárimbek Qurmanálıev Memleket basshysynyń ǵylymı ázirlemelerdi óndiriske engizý baǵytyndaǵy tapsyrmalaryna, ǵylym men bıznesti ıntegrasııalaýdaǵy mańyzdy tetikterge toqtalyp ótti. Jahandyq ekonomıka jaǵdaıynda ekonomıkalyq turaqtylyqty qamtamasyz ete otyryp, kásipkerlikke baǵyttalǵan ınnovasııalardy iske asyrýda bilim-ǵylym, bıznes yqpaldastyǵynyń mańyzyn atap ótti.
О́ndiriske serpin bergen ónertabystar
Alqaly jıynda akademık M. Jurynov, Mıkrobıologııa jáne vırýsologııa ǵylymı-óndiristik ortalyǵynyń bas dırektory A.Sadanov, ál-Farabı atyndaǵy QazQÝ sýperkompıýter ortalyǵynyń dırektory Á. Temirbaev, UǴA pánaralyq ortalyǵynyń dırektory Q. Álıhanov, basqa da ǵalymdar ǵylymdy kommersııalandyrýdyń ózekti máselelerin qozǵaı otyryp, memlekettik organdar, damý ınstıtýttary, bıznes ókilderi men halyqaralyq sarapshylar qaýymdastyǵy arasynda tájirıbe almasýdyń mańyzyn, sondaı-aq ǵylymı ázirlemelerdi óndiriske jáne ekonomıkaǵa engizý boıynsha praktıkalyq sheshimder ázirleýdiń ózektiligin atap ótti.
Konferensııa barysynda «Ǵylym qory» tarapynan óndiriske engen jobalar tanystyryldy. Kórmede «Jalyn» ǵylymı óndiristik tehnıkalyq ortalyǵy, «Antıgen» ǵylymı-óndiristik kásiporny, MVA group, Qazaq ulttyq agarlyq ýnıversıteti, Sátbaev atyndaǵy QazUTZÝ, taǵy basqa kásiporyndar men joǵary oqý oryndary bazasynda óndirilgen ónimder tanystyryldy. Qazirgi kezde bul ónimder elimiz naryǵymen qatar shetelge eksporttalyp, elimizde óndirilgen ónimderdiń básekege qabilettigin aıǵaqtaıdy.
Petropavlda «Tuqym kúni – 2026» halyqaralyq konferensııasy ótti
Konferensııa plenarlyq otyrystar, ǵylymdy kommersııalandyrý boıynsha forsaıt-sessııamen jalǵasty. Forsaıt-sessııa aıasynda tehnologııalyq daıyndyq deńgeıi joǵary, óndiriske engizýge daıyn ázirlemelerdiń, sonyń ishinde TRL 4-7 deńgeıindegi jobalar tanystyryldy. Atalǵan sessııa ǵylymı nátıjelerdi praktıkaǵa ilgeriletýdiń tetikterin izdestirýge, áriptestikti keńeıtýge jáne ázirleme avtorlary men tehnologııalardyń áleýetti tutynýshylary arasyndaǵy ornyqty baılanystardy damytýǵa baǵyttalǵan.
Konferensııa jumysyna memlekettik organdardyń ókilderi, «Ǵylym qory» AQ, Memlekettik ǵylymı-tehnıkalyq saraptama ulttyq ortalyǵy, «Atameken» UKP, Almaty qalasynyń ákimdigi ókilderi, salalyq ulttyq ǵylym akademııalarynyń jetekshileri, joǵary oqý oryndarynyń rektorlary, ǵylymı uıymdardyń basshylary, ǵalymdar, sondaı-aq bıznes, ındýstrııa jáne óndiris salasynyń ókilderi qatysty.
Ulttyq ǵylym akademııasynyń 80 jyldyq mereıtoıy aıasynda ótken jıynǵa Zhanykulov foundation qory demeýshilik etti.
ALMATY