Naýryzdyń 31-i kúni Oral qalasyndaǵy Qurmanǵazy kóshesi 164 úıdiń páterinen 1962 jyly týǵan er adamnyń múrdesi tabylǵan. Polısııanyń málimdeýinshe, múrdede zorlyqpen óltirý belgileri joq.
Bul oqıǵada eldi erekshe alańdatqan másele, marqum 16 naýryz kúni Reseı Federasııasynan kelgen eken. Sondyqtan tótenshe jaǵdaı talaptaryna sáıkes marqumnyń denesin óz úıinen alyp shyqqan arnaıy qyzmet koronavırýs indetin taratpaýdyń barlyq qatań talaptaryna sáıkes jasaýy tıis.
«Alaıda bul kóriniske qarap aldyn ala qate aqparat taratýǵa bolmaıdy. Qaýipsizdik sharalaryn barynsha saqtaý – dárigerlerdiń tikeleı mindeti. Al eldi dúrliktirip, jalǵan aqparat taratýshylar qylmystyq jaýapkershilikke tartylatynyn eskertemiz» degen eskertý taratty Batys Qazaqstan oblystyq Polısııa departamenti.
О́lim sebebin anyqtaý úshin múrde sot-medısınalyq saraptama ortalyǵyna jiberiledi.
Batys Qazaqstan