Qyzmettiń jańa túri tuǵyndarǵa quqyqtyq keńesterdi onlaın rejımde alýǵa múmkindik beredi, dep habarlady elorda ákimdiginiń baspasóz qyzmeti.
Joba qoǵamdyq tártipti qamtamasyz etýge, zańsyz áreketterdiń aldyn alýǵa, sondaı-aq azamattardyń quqyǵyn qamtamasyz etýge baǵyttalǵan.
Sonymen qatar «Senim» biryńǵaı qyzmetiniń maqsaty – turǵyndardyń quqyqtyq mádenıetin keńeıtý, olardyń qoǵamdyq uıymdarǵa degen senimin nyǵaıtý. «Alǵashqy kezeńdegi jobanyń pılottyq nusqasynda quqyqtyq keńester 14 adamǵa usynylǵan bolatyn. Habarlasqan azamattardyń barlyǵy óziniń quqyqtyq saýattylyǵyn arttyrýǵa múddeli ekendigin aıtty», – deıdi qorǵaýshy zańger Ásel Moldaǵalıeva.
Ol konsýltasııalyq qyzmettiń elimizdegi tótenshe jaǵdaı rejıminde tegin keńes alýǵa múmkindik beretin qolaıly qural ekendigin atap ótti. Jobany Nur-Sultan qalasy Ishki saıasat basqarmasynyń qoldaýymen elordadaǵy qoǵamdyq uıymdardyń ókilderi júzege asyryp jatyr.