Túrkistan oblysy Tólebı aýdanynda koronavırýs indetiniń taralýyn boldyrmaý maqsatynda halyq kóp jınalatyn «Halyq bank» AQ men «Qazpochta» AQ-nyń bólimsheleri ǵımaratynyń aldyna kezekke turatyn arnaıy oryndar belgilengen. Aq tústi boıaýmen kórsetilgen oryndardyń araqashyqtyǵy – 2 metr.
Bul zeınetaqy, jalaqy, járdemaqy alý úshin keletin turǵyndardyń bir-birinen alshaq turyp, qaýipsizdikti saqtaý maqsatynda qolǵa alynǵan shara. Odan bólek, osyndaı halyqqa qyzmet kórsetý oryndaryna kelgen azamattardy ǵımarat ishine kirerde teplovızormen dene qyzýyn tekserip, qoldary arnaıy antıseptıkpen zalalsyzdandyrylýda. Árbir azamattyń medısınalyq betperdemen júrýi qatań baqylaýǵa alynǵan. Betperdesi joq turǵyndarǵa ákimshilik tarapynan betperde tegin taratylýda. Qazirgi tańda osyndaı qatań rejımdegi saqtyq sharalary oblystyń ózge aýdan qalalarynda júzege asyrylýda.
Mysaly, Túrkistan qalasynyń ákimdigi men "Asar" eriktiler uıymy bankterdiń aldy men termınaldar ornatylǵan jerlerde araqashyqtyqty saqtaý úshin belgiler syzdy. Polısııa qyzmetkerleri de patrýldik kólikteri arqyly habarlap, araqashyqtyqty saqtaýǵa shaqyrýda.
Túrkistan oblysy