Kásipqoı rıngte kúsh synasyp júrgen Ulybrıtanııanyń tanymal boksshysy Entonı Iаrdtyń bir ǵana apta aralyǵynda koronavırýsten ákesi men ájesi qaıtys boldy.
- Bir ǵana apta ishinde eki birdeı jaqyn adamdarymnan aıyryldym. Áýeli ákem qaıtys boldy. Ile-shala ákem júnıeden ótti. Ekeýin de aty óshkir koronavırýs jalmady. Qazir otbasymyzben qan jylap otyrmyz. Bul – óte qaýipti indet. О́z bastana tımegennen keıin kóp adam COVID-19 dertin áli de eleıtin emes. Esh qajetsiz dala kezip júrgenderdiń qatary qalyń. Osy jaǵdaı meni alańdatady. Odan góri saqtanyp, úıde jatqan jón. Osyny aınalamdaǵy adamdarǵa uǵyndyrǵym keledi, - deıdi boksshy.
28 jastaǵy Entonı Iаrd 2015 jyldyń mamyr aıynan beri kásipqoılar arasynda kúsh synasýda. Sol aralyqta 20 kezdesý ótkizip, 19 ret jeńiske jetti. 18 qarsylasyn esinen tandyrdy.
Jartylaı aýyr salmaqta judyryqtasyp júrgen Ulybrıtanııa ókiliniń tek reseılik Sergeı Kovalevqa ǵana áli jetpedi. Qos boksshy byltyr tamyz aıynda Chelıabi qalasynda qolǵap túıistirip, bul tartys 11 raýndta aıaqtaldy.