Ústimizdegi jyldyń 12 qyrkúıeginde Nıderlandtyń Vınshoten qalasynda jalaýy jelbireýge tıis 100 shaqyrymdyq qashyqtyqqa júgiretin jelaıaqtardyń álem chempıonaty koronavırýske baılanysty keıinge shegerildi.
Aıtýly jarys 1984 jyldan beri úzdiksiz uıymdastyrylyp kelgen edi. Belgııanyń Torhaýt qalasynda ótken tusaýkeser dodada erler arasynda ıspandyq Domıngo Katalan dara shyqsa, áıelderdyń saıysyna shveısarııalyq Agnes Eberle shashasyna shań juqtyrmady.
Sońǵy ret álemdik doda 2018 jyly Horvatııanyń Svetı-Martın-na-Mýrı qalasynda ótti. Erlerdiń básekesinde japonııalyq Hıdeakı Iаmachýgı aldyna jan salmady. Belgilengen mejege ol 6 saǵat 28 mınýt 05 sekýndta jetti. Kúmis medaldi Kún Shyǵys eliniń taǵy bir myqtysy Takehıko Geba ıelendi. Qola medal OAR ókili Bongmýsa Mthembýge buıyrdy.
Áıelder arasyndaǵy tartys jergilikti sportshy Nıkolına Shýstıchtiń jeńisimen aıaqtaldy. Onyń kórsetkishi – 7 saǵat 20 mınýt 34 sekýnd. Germanııalyq Hele-Alder Berens pen japnııalyq Maı Fýdzısava ekinshi jáne úshinshi satylarǵa taban tiredi.