Fýtboldan Fransııa chempıonatynda óner kórsetetin «Reıms» klýbynyń dárigeri Bernar Gonsales óz-ózine qol jumsady.
60 jastaǵy azamattyń osyndaı qadamǵa barýyna sebepshi bolǵan koronavırýs. Qaterli dertke ushyraǵany belgili bolyp, áıelimen birge karantınge jabylǵannan soń Gonsales ózine qol jumsaǵan eken. Bul aqparatty «Reıms» klýbynyń resmı saıty men aıtýly qalanyń meri de rastap otyr. О́ler aldynda ol qolhat qaldyryp, barlyq jaǵdaıdy egjeı-tegjeıli baıandap ketti.
– Biz úshin bul aýyr soqqy boldy. Bernar 20 jyldan asa boıy «Reımste» tapjylmaı eńbek etti. Ol óz isine degen adaldyǵy jáne alǵyrlyǵymen erekshelenetin edi. Komandamyz qıyn-qystaý kezeńdi basynan ótkergen sátte Gonsales tegin de jumys isteýden tartynbady. Ol árkez qandaı da ıgi bastamalardyń basy-qasynan tabylatyn, - dep málimdedi «Reıms» klýbynyń prezıdenti Jan-Per Keıo.
«Reıms» - Fransııanyń alty dúrkin chempıony, kezinde Eýropa chempıondary kýbogy jolyndaǵy jarystyń fınalynda eki ret óner kórsetti.
Qazirgi kezde aıtýly komanda el birinshiliginde besinshi orynda keledi. 28 kezdesýden keıin olar 41 upaıdy qorjynǵa salyp otyr.