Aqmola jáne Almaty óńirlik garnızondary áskerı polısııa jasaqtarynyń áskerı qyzmetshileri Ulttyq Ulan jáne polısııa bólimshelerimen birlesip, Nur-Sultan jáne Almaty qalalarynda patrýldeýge qatysady.
Birlesken patrýldeý – bul karantın kezinde qoǵamdyq tártip pen azamattardyń qaýipsizdigin qamtamasyz etý úshin qajetti shara bolyp sanalady. Əskerı polısııanyń jasaǵy karantındik aımaqtyń perımetri boıynsha uıymdastyrylǵan blok-beketterde táýlik boıy kezekshilik etedi, qoǵamdyq oryndardy patrýldeıdi jáne áskerı avtokólik lekterin súıemeldeıdi.
Tótenshe jaǵdaı kezinde qoǵamdyq qaýipsizdikti qamtamasyz etý qajettiligin QR Prezıdenti Qasym-Jomart Toqaev tótenshe jaǵdaı jónindegi memlekettik komıssııanyń otyrysy barysynda «quqyq buzýshylyqtyń, eń aldymen urlyq, tonaý, bıliktiń zańdy talaptaryna baǵynbaý faktileriniń ósýine jol bermeýge bolmaıdy» dep taǵy da atap ótti.