Norvegııanyń áıgili bıatlonshysy Sıýnneve Sýlemdal úlken sportpen qosh aıtysatynyn resmı túrde málimdedi.
Kelesi aıdyń bel ortasynda 31 jasqa tolǵaly otyrǵan skandınavııalyq sportshy 2012-2020 jyldar aralyǵynda álem chempıonatynda alty ret altynnan alqa taǵynyp, bir márte qola medaldi ıelendi. Bul kórsetkishterdiń barlyǵyna ol estfetalyq saıystarda qol jetkizdi. Sondaı-aq, Sıýnneve Sýlemdal álem kýbogy jolyndaǵy jarystarda 14 ret jeńis tuǵyryna kóterildi.
– Sportshy retinde kózdegen maqsatymnyń barlyǵyna qol jetkizdim dep oılaımyn. О́tkenge esh ókpe joq. Bárine de rızamyn. Sporttan qol úzetin kez keldi. Endi bilimge bet bursam deımin. Bıyl kúzde ózim bilim alyp júrgen ýnıversıtettiń kúndizgi bólimine aýysamyn. Stýdenttik ómirdiń de óz qyzyǵy bar. Sony da sezingim keledi, - deıdi Sıýnneve Sýlemdal.