Áıgili serbııalyq maman Radomır Antıch uzaqqa sozylǵan naýqastan keıin 72 jasqa qaraǵan shaǵynda baqılyq boldy.
Fýtbolshy retinde qorǵanysta oınaǵan ol Iýgoslavııanyń «Sloboda» men «Partızan», Túrkııanyń «Fenerbahche», Ispanııanyń «Real Saragosa» jáne Anglııanyń «Lýton Taýn» klýbtarynyń namysyn qorǵady. 1985 jyly bapkerliktiń qamytyn kıip, Iýgoslavııa, Ispanııa, Serbııa jáne Qytaıdyń birqatar komandalaryn jattyqtyrdy.
Radomır Antıch 1988-1995 jyldary úsh birdeı «Realdy» («Real», Saragosa, «Real» Madrıd, «Real» Ovedo) baptady. 1996 jyly Madrıdtiń «Atletıkosymen» birge Ispanııa chempıonaty men kýbogyn jeńip aldy. Keıinnen «Barselona» men «Seltanyń» bas bapkeri boldy. 2008-2010 jyldary Serbııa quramasyn jattyqtyrdy.